Во указот на Зеленски, објавен на веб-страницата на украинското претседателство, кусо се наведува дека се бара Едуард Москаљов да биде разрешен од позицијата командант на обединетите сили, без притоа да даде објаснување за овој потег
Украинскиот претседател Володимир Зеленски на 26 февруари го разреши воениот командант Едуард Москаљов кој помагаше во водењето на борбата против руските трупи во источниот дел на земјата, пишува Ројтерс.
Во указот на Зеленски, објавен на веб-страницата на украинското претседателство, кусо се наведува дека се бара Москољов да биде разрешен од позицијата командант на обединетите сили.
Инаку командантот Москољов беше вклучен во битките во регионот Донбас, а беше назначен на функцијата од март 2022 година, непосредно откако Русија ја нападна Украина.
Засега не се знае дали отпуштањето на воениот командант е поврзано со неодамна започнатата акција за борба против корупцијата во Украина, во која беа разрешени повеќе државни функционери.
Украинската национална медиумска агенција „Укринформ“ пишува дека на 11 февруари годинава Зеленски го разрешил и Руслан Џиуба од позицијата заменик-командант на Националната гарда на Украина.
Извор: 360stepeni.mk
