Шведската разузнавачка служба: Терористичката група ПКК/ЈПГ се финансира во Шведска

СТОКХОЛМ (АА) – Разузнавачката служба на Шведска (SEPO) објави дека терористичката организација ПКК/ЈПГ се финансира во таа земја, известува Анадолу.

Заменичката на шефот на Одделот на СЕПО (SEPO) за борба против тероризмот, Трехорнинг, изјави дека терористичката организација ПКК/ЈПГ добива значителни финансиски средства во Шведска.

„Нема да изнесувам суми, но можам да кажам дека терористичката организација ПКК добива значителни финансии во нашата земја“, рече Трехорнинг.

Наведувајќи дека непрестајно работи на идентификација на луѓето кои навистина извршиле злосторства, Трехорнинг рече дека минатата недела фатиле лице кое од работното место собира прилози за терористичката организација ПКК/ЈПГ.

Кон крајот на јануари слична констатација изнесе и главниот преговарач на Шведска за членство во НАТО, Оскар Стенстром, кој за државното радио СР (SR) изјави дека ПКК собира значителни финансии со посредство на криминални групи во Шведска, а дека тоа не е случај со Финска, која исто така поднесе барање за членство во НАТО.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..