Советот за безбедност на ОН расправаше за војната во Украина

February 25, 2023
2 mins read

ЊУЈОРК (АА) – По повод првата годишнина од почетокот на војната во Украина, Советот за безбедност на Обединетите нации (СБОН) одржува седница под наслов „Воспоставување мир и безбедност во Украина“, а на која главно учествуваат министрите за надворешни работи на земјите членки, известува Анадолу.

Генералниот секретар на ОН, Антонио Гутереш, во своето обраќање пред присутните истакна дека Повелбата на ОН не е збир на зборови на хартија, туку мисија на организацијата.

„Пред една година предупредував дека војната во Европа, што би можела да биде најстрашната војна на столетието за човештвото, не би смееле да ја започнеме. Реков тогаш, а ќе повторам и сега, мораме да му дадеме можност на мирот“, рече Гутереш.

Нагласувајќи дека нападот на Русија врз Украина е јасно кршење на Повелбата на ОН и меѓународното право, Гутереш истакна дека војната предизвикала смрт и страдања.

„Животот стана пекол за украинскиот народ“, рече Гутереш.

Наведувајќи дека е постигнат напредок во контекст на Договорот за црноморскиот коридор за жито потпишан со посредство на Туркије и ОН, Гутереш рече дека околу 700 бродови на светскиот пазар транспортирале над 20 милиони тони прехранбени производи.

Тој рече дека ОН исто така вложуваат напори за отстранување на препреката за извоз на руската храна и ѓубрива.

„Од минатата година Советот за безбедност одржа повеќе од 40 седници за Украина. Во моментов зборуваме за оружје, но знаеме дека дипломатијата е единствениот пат за праведен и траен мир“, заклучи Гутереш.

На состанокот се обрати и министерот за надворешни работи на Украина, Дмитро Кулеба, кој порача дека неговата земја ќе продолжи да дава отпор.

„Путин ќе биде поразен многу порано отколку што очекува“, рече Кулеба.

Истакнувајќи дека припадниците и лидерите на руските сили еден ден ќе одговараат за своите дела, Кулеба рече дека меѓународната заедница треба да продолжи да ја поддржува Украина.

„Вистинскиот проблем на светот е Русија“, рече Кулеба.

Кулеба потоа ги повика присутните во салата на ОН со едноминутен молк да им оддадат чест на настраданите во руските напади во Украина, по што присутните станаа на нозе. Збор зеде и рускиот амбасадор во ОН, Василиј Небензја, кој рече дека сите животи се важни и повика да им се оддаде почит на сите настрадани. Во тие моменти на нозе останаа само членовите на руската делегација.

Американскиот државен секретар Ентони Блинкен потсети дека минатата година пред почетокот на војната предупредил дека Русија подготвува војна против Украина, но Русија рекла дека тоа се неосновани тврдења.

„Само една недела подоцна, Русија ја започна својата масовна инвазија. Меѓутоа, како резултат на силната одбрана на Украина, претседателот Путин не успеа да ја постигне својата цел да ја заземе Украина и да ја припои кон Русија“, рече Блинкен.

Наведувајќи дека украинскиот народ храбро се бори за својата независност и делува единствено, Блинкен рече дека и меѓународната заедница се собрала и повеќепати ја осудила Русија.

Блинкен го обвини рускиот претседател Путин дека се обидува да ја употреби гладта како оружје во војната во Украина.

„Иницијативата за жито, што е започната благодарение на генералниот секретар Гутереш и Туркије, ја намали цената на храната во светот, со отстранување на руската бариера за украинскиот извоз“, посочи Блинкен.

Нагласувајќи дека во војната во Украина постои агресор и жртва, Блинкен истакна дека Русија се бори за освојување, а Украина ја брани својата независност.

„Оваа војна ја започна еден човек, Владимир Путин, и тој човек може да ја запре“, заклучи Блинкен.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Разорните земјотреси во Туркије одзедоа 44.218 животи

Следно

Полицијата за шест часа казни 141 возач во општина Бутел

Latest from Blog

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи

Не дозволувајте да изгубите пари при откупот: СЕКЕ со важни совети за правилно пакување на тутунот

Со почетокот на сезоната за откуп на тутунот, компанијата СЕКЕ упати важни препораки до тутунопроизводителите за правилно пакување и чување на произведениот тутун, со цел да се зачува неговиот квалитет и да

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,
Go toTop