АНКАРА (АА) – Американскиот милијардер Илон Маск, сопственик на „Спејс икс“ и Твитер, се обрати до истражувачите за вештачка интелигенција за да создадат нова лабораторија за да му се спротивстави на „ЧетЏи-пи-ти“ (ChatGPT), „четботот“ за вештачка интелигенција развиен од „ОпенАИ“, пренесува Анадолу.
Според веста на „Јаху њуз“, Маск го вработува истражувачот Игор Бабушкин, кој неодамна ја напушти единицата за вештачка интелигенција „ДипМајнд“ на Алфабет, за да формира тим кој може да се натпреварува и да стане ривал на „ЧетЏи-пи-ти“.
Се нагласува дека Маск и Бабушкин разговарале за формирање тим кој ќе продолжи со нивното истражување за вештачката интелигенција, но проектот сè уште е во рана фаза и засега не се откриени конкретни планови за развој на конкретен производ.
Според соопштеното, Бабушкин сè уште официјално не ја потпишал новата иницијатива на Маск.
Маск, кој е меѓу основачите на „ЧетЏи-пи-ти“, текстуален „четбот“ развиен од ОпенАИ, што може да пишува текст, поезија, па дури и компјутерски код по команда, се повлече од Управниот одбор во 2018 година.
На 3 декември 2022 година, Маск напиша на Твитер: „’ЧетЏи-пи-ти’ е навистина добар. Не сме далеку од вештачката интелигенција која може да се смета за опасна.“
Извор: www.aa.com.tr
