Category archive

Спорт

Лазаров: Сакам да играм против Вардар во финалето, а потоа…

во категорија Спорт од

lazarov

За Дерби од Келн,
Агрон Хајредин

Голем дел од актерите на завршниот турнир во Лигата на шампионите ова попладне им стоеја на располагање на новинарите за давање изјави во хотелот „Радисон блу“ во Келн, а еден од нив беше и нашиот Кирил Лазаров кој на овој фајнал-фор турнир влегува во ракометната историја.

Лазаров е единствениот играч кој ќе заигра со четири различни тима на еден финален турнир во најелитното натпреварување, а ждрепката посака во полуфиналето тој и неговите соиграчи од Нант за противник да го имаат моќниот тим на ПСЖ.

– Фаворитската улога е на страната на ПСЖ, но ние во повеќе наврати оваа сезона докажавме дека може да се надигруваме со секој противник. Сигурен сум дека ќе биде тврдо и неизвесно, – порача Лазаров кој не крие дека сака да игра против Вардар во големото финале.

– Посакувам дуел со Вардар во финалето во Лигата на шампионите. Тоа би било извонрено сценарио за мене, за Вардар и за македонските ракометни фанови. Потоа, во финалето нека биде што ќе биде, – заврши македонскиот капитен.

kire-keln

Извор:https://derbi.mk/

ЕХФ ги избра најдобрите: Еден вардарец во Ол-стар тимот во ЛШ (Видео)

во категорија Спорт од

arpad sterbik odbrana vardar 2018

ЕХФ традиционално го објавува најдобриот тим во Лигата на шампионите за натпреварувачката сезона непосредно пред стартот на завршните возбудувања на Ф4 турнирот во Келн, а така е случајот и овојпат откако точно напладне осамна ол-стар тимот од играчи кои ја одбележаа оваа кампања.

Вардар имаше свои шест претставника во гласањето за тимот на годината, но на крајот во посебно друштво се најде само Арпад Штербик кој благодарение на своите сензационални настапи се најде на голманското место во тимот на годината. Кандидати за заземање на место во идеалниот тим беа и Абутовиќ, Дибиров, Циндриќ, Борозан и тренерот Гонзалес, но сепак ти во случајот не ги добија потребните гласови за да се најдат во завршниот избор.

Голман – Арпад Штербик (Вардар)
Лево крило – Уве Генсхајмер (ПСЖ)
Десно крило – Давид Балагер (Нант)
Лев бек – Сандер Сагосен (ПСЖ)
Среден бек – Никола Карабатиќ (ПСЖ)
Десен бек – Дика Мем (Барселона)
Пикер – Бјарте Мирхол (Скјерн)
Дефанзивец – Лука Карабатиќ (ПСЖ)
Млад играч – Ромен Лагард (Нант)
Тренер – Патрис Канаје (Монпелје)

Извор:https://derbi.mk/

Слушнете ја официјалната химна на Светското првенство (Видео)

во категорија Спорт од

liveitup

На неполн месец до почетокот на Светското првенство во Русија објавена е официјалната химна на натпреварувањето.

По примерот на „We Are One (Ole, Ola)“ која ја изведе Питбул, и мега популарната „Waka Waka“ на Шакира, од ФИФА ја објавија и новата химна која ќе го носи насловот „Live it Up“ а е во изведба на Ники Џем, Ера Истрефи и холивудската ѕвезда Вил Смит.

Химната ќе се пушта на стадионите во Русија во текот на целото првенство, а ќе биде изведена во живо на финалниот натпревар на 15 јули.

Извор:https://derbi.mk/

Поранешен играч на Челси смета дека Сари не е вистинското решение за клубот

во категорија Спорт од

sari5

Поранешниот играч на Челси, Самуеле Дала Бона се сомнева дека Маурисио Сари е вистинскиот избор за клупата на сините.

Се поизвесно е заминувањето на Антонио Конте и назначувањето на Сари на менаџерското столче на „Стемфорд Бриџ“, а во јавноста веќе почнаа да стигнуваат коментари за ваквата одлука на раководството на Челси.

Еден од првите кои го коментираат назначувањето на Сари како нов предводник на Челси е Самуеле Дала Бона. 37 годишниот поранешен фудбалер смета дека Сари не е тренер од светска класа и дека ќе биде ризик тој да се постави за тренер на голем клуб како Челси.

-Мислам дека Сари мора да го направи последниот чекор за да стане шампион и врвен тренер. Тој е одличен стратег, но не е тренер од светски калибар.

-За Сари да оди во Челси треба да има освоено нешто. Тој досега нема освоено ниту еден трофеј иако е одличен менаџер. Мора да почне да освојува нешто. Не знам дали ќе го стори тоа во Челси. Клубот е во тешка состојба во моментов, дури и под Роман Абрамович. Сметам дека е тешко за еден Италијанец да се адаптира во Англија.

-За Сари, кој е на околу 60 години и заминува во Лондон, ќе значи промена на средината, а тој не зборува многу англиски. Преминот во Челси нема да биде лесен за него. Не сум сигурен, знам дека е добар менаџер, но не знам дали е добар за Челси- потенцираше Дала Бона.

Извор:https://derbi.mk/

Емери на „Емирејтс“ ќе носи засилување од Рома

во категорија Спорт од

emeri

„Скај Италија“ пренесува дека новиот тренер на Арсенал, Унаи Емери е заинтересиран во своите редови да го донесе талентираниот фудбалер на Рома, Лоренцо Пелегрини.

21 годишниот фудбалер беше стандарден во тимот на „Волчицата“ минатата сезона и на 37 натпревари постигна три погодоци.

Пелегрини настапува на централната позиција во средниот ред, позиција која е „тенка“ во тимот на Арсенал и која ќе мора да се засилува ова лето.

Покрај Арсенал, за Италијанецот постои интерес и од Манчестер Јунајтед и Јувентус, а младиот фудбалер речиси сигурно ќе го напушти „Олимпико“ во овој преоден рок. Од таборот на Рома веќе ја пронајдоа неговата замена во Брајан Кристанте од Аталанта.

Извор:https://derbi.mk/

Крстајиќ одреди 27 фудбалери на кои ќе смета за Мундијалот во Русија, нема место за еден искусен репрезентативец

во категорија Спорт од

mladen-krstajic

Селекторот на српската фудбалска репрезентација, Младен Крстајиќ го објави списокот од 27 повикани фудбалери на кои ќе смета за претстојното Светско првенство во Русија.

Крстајиќ направи неколку изненадувања во овој список, а најголемото е тоа што на него го нема искусниот фудбалер на Лацио, Душан Баста. Селекторот на Србија финалниот рез треба да го направи до 4. јуни, а од овој список треба да испаднат четворица играчи.

На списокот се најде и повредениот фудбалер на Шалке, Матија Настасиќ, за кого до последен момент ќе се чека дали ќе биде подготвен за настап.

Голмани: Владимир Стојковиќ (Партизан), Предраг Рајковиќ (Макаби Тел Авив), Александар Јовановиќ (Архаус), Марко Дмитровиќ (Еибар)

Одбрана: Александар Коларов (Рома), Антонио Рукавина (Виљареал), Милан Родиќ (Црвена Звезда), Бранислав Ивановиќ (Зенит), Урош Спајиќ (Красондар), Милош Вељковиќ (Вердер), Душко Тошиќ (Гвангжу), Матија Настасиќ (Шалке 04), Никола Миленковиќ (Фиорентина)

Среден ред: Немања Матиќ (Манчестер Јунајтед), Лука Миливојевиќ (Кристал Палас), Марко Грујиќ (Ливерпул), Немања Максимовиќ (Валенсија), Душан Тадиќ (Саутемптон), Андрија Живковиќ (Бенфика), Мијат Гачиновиќ (Ајнтрахт), Филип Костиќ (Хамбург), Немања Радоњиќ (Црвена Звезда), Сергеј Милинковиќ Савиќ (Лацио), Адем Љаиќ (Торино)

Напад: Александар Митровиќ (Фулам), Александар Пријовиќ (ПАОК), Лука Јовиќ (Бенфика)

Извор:https://derbi.mk/

Џеко го издвои најдобриот гол во неговата кариера: Сонував за таков погодок…(Видео)

во категорија Спорт од

dzeko-roma

Репрезентативецот на Босна и Херцеговина, Един Џеко одигра уште една одлична сезона во дресот на калчолигашот Рома и беше еден од најзаслужните што тимот го освои третото место во Серија А и дојде до полуфиналето на Лигата на шампионите.

Низ оваа кампања Џеко редовно ги тресеше противничките мрежи со тоа што еден од погодоците на него лично му остави посебен впечаток и смета дека е најдобар во неговата кариера. Имено напаѓачот за „Рома ТВ“ имаше задача да одбере три специјални погодоци за „волчицата“ во ЛШ, па во неговиот избор влегоа голот против Шахтјор, против Челси и уште една мајсторија против премиерлигашот која за него е број еден во досегашното фудбалски патување.

-Првиот гол дефинитивно беше најдобриот во сезоната, можеби и во мојата кариера. Секогаш сонував за таков гол, зошто не е лесно, дури и на тренинг. Горд сум на тоа. Времето е секогаш важно и Фацио ми даде одлична топка. Мојот финиш беше одличен, -истакна Босанецот.

Извор:https://derbi.mk/

Сопственикот на Ливерпул: Не можам да ги разберам одлуките на Кутињо и Суарез, тие сега можеа…

во категорија Спорт од

henri

Екипата на Ливерпул овој викенд ќе се бори за пехарот во Лигата на шампионите, односно ќе се обиде да се врати на голема врата на европската сцена и притоа да ја прекине доминацијата на Реал Мадрид кој во Киев игра за третата последователна титула во елитното натпреварувања.

Во пресрет на овие случувања и возбудувања, сопственикот на „црвените“, Џон Хенри испрати една провокација до некогашните играчи на овој клуб Филипе Кутињо и Луис Суарез кои сега се дел од Барселона. Американецот не може да ги разбере нивните одлуки да си заминат од „Енфилд Роуд“, а притоа ги пецна посочувајќи дека наместо да играат сега во финалето на ЛШ сега ќе можат само отстрана да го испратат истото.

-Можеби зошто сум Американец, ама навистина ми е тешко да разберам зошто некој сака да го напушти Ливерпул. Клубот има голема, богата историја и традиција, милиони фанови во речиси секоја земја во светот. Вие не сакате да бидете во позиција каде што играчите сакаат да одат на друго место, дури ако тоа е и голем клуб како Барселона. Тешко е да се разбере зошто играчите би сакале да одат во лига каде што конкуренцијата е толку слаба. Тие мора да играат 30 или толку безначајни натпревари годишно чекајќи ги натпревари во Лигата на шампионите, -рече Хенри и додаде:

-Тие ќе го гледаат овој викенд (Суарез и Кутињо), а можеа да играат. Но Мајк Гордон, Мајкл Едвардс и сите во нашиот оддел направија одлична работа вадејќи го најдоброто од овие две тешки ситуации, -порача првиот човек на премиерлигашот.

Извор:https://derbi.mk/

Голем инцидент во Киев: Маскирани хулигани нападнале фанови на Ливерпул во ресторан (Видео)

во категорија Спорт од

kiev-incident

Неколку навивачи на Ливерпул заработиле посериозни повреди откако вечерва се физички нападнати во центарот на Киев, градот каде во сабота се игра финалето на Лигата на шампионите.

Британските медиуми пренесуваат дека група маскирани хулигани влетале во локален ресторан и покрај физичкиот напад, фрлале со се што нашле во ресторанот по групата англиски фанови кои вечерале.

Полицијата уапсила само двајца од напаѓачите, а овој инцидент само ги зголемува стравувањата од вакви хулигански напади во пресрет на дуелот меѓу Ливерпул и Реал Мадрид.

Извор:https://derbi.mk/

Руни во Вашингтон ги прецизира деталите за трансфер во МЛС

во категорија Спорт од

vejn-runi-823893289

Вејн Руни речиси сигурно ќе ја напушти англиската Премиер лига и ќе настапува во американската МЛС лига.

Поранешниот капитен на Манчестер Јунајтед веќе е во Вашингтон каде ги договара деталите за својот трансфер во редовите на Ди-Си Јунајтед, екипата која во моментов е на дното на Источната конференција.

Засега нема конкретен договор со неговиот досегашен клуб Евертон, но американските медиуми тврдат дека Руни сака да игра во МЛС и тоа во екипата од Вашингтон и наскоро ќе биде пронајден начин за комплетирање на трансферот и негово минување на лекарските прегледи.

Извор:https://derbi.mk/

Оди на почеток