Category archive

Свет - 2 страна

Курц: Постои опасност од заострување на мигрантската криза

во категорија Свет од

Австрискиот канцелар Себастијан Курц денеска изјави дека постои опасност од натамошно заострување на мигрантската криза, поради спорот околу политиката за доделување азил во Германија.

Пред средба со претставници на Владата на германската покраина Баварија во австриксиот град Линц, Курц нагласи дека Австрија се подготува за враќање на мигрантите од границата на Германија, мерка за која се залага германскиот министер за внатрешни работи Хорст Зехофер,

– Мораме да бидеме подготвени на зајакнување на националните контроли на гранците во Европа, започнувајќи од Германија, истакна Курц, додавајќи дека е во интензивни контакати со австриските министри за одбрана и за внатрешни работи.

Австрискиот канцелер потенцира дека не сака да се меша во внатрешната дебапата во Германија во врска со миграцијата, но сепак упати критики за политиката кон мигрантите на германската канцеларка Ангела Меркел.

– Оние кои во 2015 година ги отворија границите (за мигрантите) се виновниците поради кои денес постојат гранични контроли меѓу Австрија и Баварија, Унгарија и Австрија и Италија и Австрија и затоа што ситуацијата може и да се влоши, порача Курц.

Според него, единствена добра работа во целата оваа расправа во Германија е тоа што таа поттикнала „нова динамика на европско ниво, па сега постои поголема шанса нешто да се придвижи во ЕУ“.

Меркел се соочува со незадоволство на најмалиот партнер во германската Влада, баварската Христијанско социјална унија (ЦСУ) на Зехофер, која и даде рок од 10 дена за постигнување европски договор за ограничување на миграцијата, за кои членките на ЕУ не успеваат да се договрат веќе со години.

Курц нагласи дека Австрија не сака никакви караници меѓу германските коалициски партнери, додавајќи дека Виена нема никаква полза од конфликтите во други земји.

Тој потврди и дека во текот на оваа недела ќе има средба со Меркел и со неколкумина други лидери од ЕУ, посветена на прашањето на миграцијата.

– Сакаме единствен став со Германија и заедничко дејствување. Морам да нагласам дека е поптребна оваа дискусија за решавање на мигрантското прашање. Не може да се премолочува дека и натаму преголем број луѓе се движат кон централна Европа, истакна Курц, додавајќи дека не може да се чека да се повтори „катастрофата“ од 2015 година, кога во централна Европа преку Балканот пристигнаа над еден милион мигранти.

Курц: Постои опасност од заострување на мигрантската криза was last modified: June 20th, 2018 by Ана

Извор:https://a1on.mk/

„Фајненшал Тајмс“: ЕУ размислува да отвори мигрантски центри надвор од својата територија

во категорија Свет од

Лидерите на ЕУ разгледуваат планови за испраќање на мигрантите пресретанати во Средоземното Море во мигранстки центри надвор од територијата на Унијата, што укажува на промена на европскиот пристап кон прашањето за миграцијата, оценува лондонски „Фајненшал Тајмс“.

Според весникот, овие центри би биле користени за раздвојување на економските мигранти од лицата на кои им е потребна меѓународни заштита, бидејќи доаѓаат од конфликтни зони.

Предлогот за отворање на ваквите мигрантски центри надвор од територијата на ЕУ ќе биде разгледуван на претстојниот самит на шефовите на држави или влади на Унијата, тврди „Фајненшал Тајмс“, повикувајќи се на предлог-текстот за завршниот документ од средбата.

Весникот оценува дека ваквиот предлог доаѓа во време на зголемени тензии во Европа околу прашањето за миграцијата, откако минатата недела новиот италијански министер за внатрешни работи Матео Салвини одби да му дозволил влез во Италија на брод што превезуваше на 600 мигранти претходно спасени во водите на Средоземното Море во близина на бреговите на Либија.

Во исто време, германската канцеларка Ангела Меркел се соочува со криза во нејзината владина коалиција поради несогласувањата околку мигрантската политика. Меркел се соочува со незадоволства на најмалиот партнер во германската Влада, баварската Христијанско социјална унија (ЦСУ), која и даде рок од 10 дена за постигнување европски договор за ограничување на миграцијата, за кои членките на ЕУ не успеваат да се договрат веќе со години.

Сепак, според лондонскиот весник, предлогот за отворање на мигрантски центри надвор од територијата на Унијата може да наиде на правни пречки, бидејќи европската регулатива забранува префрлање на лица во земји кои се сметаат за небезбедни.

Останува неизвесно и што ќе се случува со мигрантите чии барања за азил ќе бидат одбиени во некоја од земјите членки на ЕУ, бидејќи постои опасност таквите мигрантски центри да бидат пренатрупани со луѓе, кои ниту ќе можат да влезата во Унијата, ниту пак да се вратат во своите матични држави, заклучува „Фајненшал Тајмс“.

„Фајненшал Тајмс“: ЕУ размислува да отвори мигрантски центри надвор од својата територија was last modified: June 20th, 2018 by Ана

Извор:https://a1on.mk/

Трамп тврди дека криминалот во Германија се зголемува поради мигрантите, податоците го покажуваат спротивното

во категорија Свет од

Американскиот претседател Доналд Трамп изјави дека криминалот во Германија расте поради мигрантската политика на Берлин и ги оспори официјалните податоци, кои го говорат спротивното.

Трамп денеска на Твитер повторно напиша дека „криминалот во Германија порасна за повеќе од 10 проценти (одговорните лица не сакаат да ги пребројат овие кривични дела), поради прифаќање мигранти”.

– Во други држави е уште полошо, додаде Трамп и ја повика Америка да не тргнува по тој пат, во момент, кога во САД се разгорува полемиката поради одделувањето на повеќе од 2.300 малолетни мигранти од нивните родители без документи.

Критиката на Трамп за миграциската политика на Германија, доаѓа во момент на поделеност на владата на Ангела Меркел околу тоа прашање.

Во 2017 година, германската полиција регистрирала 5.761.984 кривични дела, што претставува намалување во споредба со 2016 година кога бројката изнесувала 6.537.748.

Во извештајот објавен на почетокот од мај германскиот министер за внатрешни работи, Хорст Зехофер, го поздрави фактот дека бројот на физички напади врз луѓе или имот во 2017 година достигна „историско најниско ниво од 1992 година”.

Трамп тврди дека криминалот во Германија се зголемува поради мигрантите, податоците го покажуваат спротивното was last modified: June 19th, 2018 by Naum Lokoski

Извор:https://a1on.mk/

Ким Џонг-ун во дводневна посета на Кина

во категорија Свет од

Севернокорејскиот лиде Ким Џонг-ун денеска ја почна дводневната посета на Кина. Ким беше пречекан со воени почести од претседателот на Кина, Си Џинпинг.

– Преку конкретни напори на релевантните земји преговорите за Корејскиот Полуостров се враќа на прав пат и целокупната ситуација се движи кон мир и стабилност. Кина секогаш ќе има конструктивна улога во тој процес, изјави Си на средбата со Ким.

Според експертите Ким со кинеските кидери ќе разговара за следните чекори по минатонеделниот самит со американскиот претседател Доналд Трамп.

САД долго време се потпираа на Кина да го искористи своето влијание врз Северна Кореја и да го доведе Пјонгјанг на преговарачка маса. Но, посетата на Ким е во тензично време помеѓу Пекинг и Вашингтон поради „трговската војна“.

Ким Џонг-ун во дводневна посета на Кина was last modified: June 19th, 2018 by Naum Lokoski

Извор:https://a1on.mk/

Моравецки: Полска може да биде посредник меѓу ЕУ и САД

во категорија Свет од

Полскиот премиер Матеуш Моравецки изјави денеска дека сака владата да ја преземе улогата на „посредник“ во поправање на односите меѓу администрацијата на Доналд Трамп и на Европската унија.

На прес конференција во Берлин по средба со германскиот канцелар Ангела Меркел, Моравецки рече дека Полска и Германија може да ги обединат напорите за „прекин на трговската војна“ со САД кои се главен сојузник на Европа во сферата на безбедноста.

– Полска би сакала да биде координатор, посредник меѓу САД и Европа во најдобра смисла, додаде тој.

Меркел и Моравјеци разговараа за европската и глобалната безбедност како и трансатлантските односи обременети заради протекционистичката политика на Трамп.

Моравецки: Полска може да биде посредник меѓу ЕУ и САД was last modified: June 19th, 2018 by Ана

Извор:https://a1on.mk/

Гутереш: Рекорден број држави се вклучени во „насилни конјфликти“

во категорија Свет од

Бројот на земји вклучени во „насилни конфликти“ е најголем во последните 30 години, додека бројот на загинати во судирите е зголемен за десетпати од 2005 година, изјави денеска во Копенхаген генералниот секретар на Обединети нации, Антонио Гутереш.

Тој наведе дека бројот на „насилни ситуации“, што можат да се окарактеризираат како војни врз основа на бројот на жртвите, е тројно зголемен од 2007 година.

– Покрај регионалните конфликти, глобалниот тероризам може да се случи каде било во кое било време, истакна Гутереш.

Тој вчера во Осло изјави од 2007 година е зголемен за 60 проценти бројот на „конфликти со низок интензитет“.

Гутереш: Рекорден број држави се вклучени во „насилни конјфликти“ was last modified: June 19th, 2018 by Ана

Извор:https://a1on.mk/

Европол во две операции заплени 700 парчиња оружје

во категорија Свет од

Во две големи разузнавачки операции со поддршка на Европол со цел сузбивање трговија со нелегелно оружје во Европа, запленети се повеќе од 700 парчиња оружје, вклучувајќи минофрлачи и митралези, соопшти Европол.

Операцијата „Колумби“ ја предводеле словенечките власти и стотици полицајци работеле заедно на териториите на Хрватска, Словенија и Шпанија со цел пресретнување на илегланото оружје и разбивање на мрежи кои се занимаваат со негова трговија.

Околу 40 парчиња оружје се запленети во Словенија и Хрватска, а уапсени се 33 осомничени во координирани акции на 14 јуни, стои во соопштението на Европол.

Операцијата е дел од пошироката европска стратегија што ја развиле полициските власти на Европската унија, американската ДЕА и Европол, со цел борба против криминална мрежа позната како „Балкански картел“.

Во Франција од 12 до 14 јуни е спроведена операција „Армес 72″ во чии рамки се претресени околу 100 куќи на 50 локации во земјата, се наведува во соопштението на Европол.

Уапсени се 30 осомничени, а запленети се 700 парчиња оружје меѓу кои 50 митралези и 250 пиштоли. Во оваа операција учествувале околу 600 француски полицајци.

Европол во две операции заплени 700 парчиња оружје was last modified: June 19th, 2018 by Ана

Извор:https://a1on.mk/

Дојче Веле: Популистички марш низ Европа

во категорија Свет од

Има се повеќе земји во ЕУ во кои десните популисти извлекуваат политички профит благодарение на нерешената мигрантска криза, при што се потешко е да се дојде до заедничко европско решение, пишува Дојче веле.

– Бегалската или мигрантска криза во многу земји од ЕУ влијаеше врз создавање силни десно-популистички опозициски партии и тоа може да се види во Франција, Холандија, Данска, Шведска и Германија, пишува Дојче веле и додава дека во некои држави десничарските популисти се дел од власта, како во Белгија, Финска, Австрија и Грција, Полска, Унгарија, Чешка, а од неодамна и во Италија.

Потпретседателот на Европската комисија Франс Тимерманс со загриженост предупредува дека зајакнати десничарки популисти и нерешено миграциско прашање би можеле да доведат не само до криза во германската Влада, туку дека би можеле да го загрозат и единството во ЕУ.

– Кога ќе се погледне развојот на ситуацијата во последните неколку години, се гледа дека миграцијата е тема која ја доведе ЕУ на работ на бездна. Миграциите играат клучна улога во секоја земја членка, без оглед за која и каква земја станува збор, рече Тимерманс во Европскиот парламент.

Од 2015 година, бројот на бегалци и мигранти кои доаѓаат во Грција, Италија и Германија нагло падна за околу 75 отсто, политиката кон мигрантите стана значително порестриктивна, меѓутоа популистичките партии и влади се уште предизвикуваат чувство кај луѓето дека границите се преплавени со бегалци.

Дојче Веле: Популистички марш низ Европа was last modified: June 19th, 2018 by Ана

Извор:https://a1on.mk/

Захарова: Се отворивме кон Западот, но излажани сме

во категорија Свет од

Од крајот на Студената војна Русија во целост се отвори кон западнире земји, но тие не излажаа, изјави портпаролката на руското Министерство за надворешни работи Марија Захарова.

– Во целост се отворивме кон Западот, но не затоа што бевме поразени. Го направивме тоа сами, никој не не присили, рече Захарова во интервју за финскиот весник „Хуфвудстадсбладет“.

Според неа, некогашниот советски лидер Михаил Горбачов, творец на програмата на „перестројката“ сакал „да стави крај на трката во вооружувањето и Студената војна“, поради што Русија се отворила кон Западот.

– Но бевме излажани. Одговоривте со тоа што не заградивте со бодликава жица, рече таа истакнувајќи дека се што сакала Русија од Европа било соработка во повеќе области како што се економијата, трговијата и културата.

Таа додаде дека Русите сакале слободно да патуваат во други земји и да се ослободат од визи, но таа идеја секогаш била одбивана.

– Сега на сите им покажуваме: „Немојте ни да помислите повторно да не напаѓате“. Откако изгубивме 20 милиони луѓе во Втората светска војна, имаме право на сите да им покажуваме со цел тоа повеќе да не се повтори. Во изминатите 20 години се обидуваат да не опколат од сите страни, рече Захарова.

Захарова: Се отворивме кон Западот, но излажани сме was last modified: June 19th, 2018 by Ана

Извор:https://a1on.mk/

Новата шпанска Влада ќе го затвора мавзолејот на Франциско Франко

во категорија Свет од

Новата шпанска левичарка Влада на премиерот Педро Санчез планира да го отстрани посмртните останки на фашистичкиот диктатор Франциско Франко од неговиот мавзолеј. што се наоѓа во близината на Мадрид.

Претставникот на Владата, Оскар Пуенте изјави дека цел на ваквата мерка е желбата на властите таа локација да биде „место на сеќавање на Граѓанската војна, а не на глорификација на диктатурата“.

– Одлуката за ексхумација на посмртните останки на Гранко е сосема јасна, нагласи Пуенте, додавајќи дека Владата сака таа локација да биде „место за одвање почит и за сеќавање на сите Шпанци“.

Мавзолејот се наоѓа во комплексопт наречен „Долина на загинатите“, кој уште опфаќа и базилика и крст висок 150 метри. Комплексот го граделе политички затвореници, а го отворил самиот Франко во 1959 година.

Иницијативата за отстранување на посмртните останки од мавзолејот постои веќе неколку години, но претходната Влада на конзервативната Народна партија ја отфрлаше таквата идеја, со образложение дека тоа само ќе ги разбуди болните сеќавања 40 години по смртта на Франко и осум децении по завршувањето на Шпанската граѓанска војна.

Новата шпанска Влада ќе го затвора мавзолејот на Франциско Франко was last modified: June 19th, 2018 by Ана

Извор:https://a1on.mk/

Оди на почеток