Category archive

Свет

Ципрас: Одредница пред името Македонија е голема победа за нас

во категорија Свет од

Во преговорите не одиме да го дадеме името Македонија, како што тврдат некои, одиме да земеме назад нешто што е дадено пред 70 години, рече грчкиот премиер Алексис Ципрас од Солун, по средбата со солунскиот градоначалник, Јанис Бутарис.

Грчкиот премиер не дал информации за актуелните преговори во Њујорк, туку одговорил на обвинувањата на грчката опозиција дека владата го дава името македонија, објави МИА.

„Имаат државен ентитет што 70 години се вика Македонија, а немаат никаква врска со Александар Велики и со овој историски тек. Имаат словенски и албански корени и го признаваат тоа. Што значи, ако добиеме одредница пред името Македонија е голема победа и уште поголема да се договориме дека едно е нашата Македонија што доаѓа од долгата традиција на грчкиот антички свет, а друго е нивната традиција и нивниот културен знак“, изјавил Ципрас.

Извор:https://www.slobodnaevropa.mk/

Косовски Србин осуден за воени злосторства

во категорија Свет од

Суд во Косовска Митровица го осуди на шест години и шест месеци затвор Зоран Вукотиќ, под обвинение за извршени воени злосторства во 1999 година.

Одлуката претпладнево во митровичкиот Суд ја објави Судски совет на Мисијата на ЕУЛЕКС.

Вукотиќ е прогласен за виновен по три точки од обвинението, кои го товарат за тортура врз затворениците во затворот во Смреконица во 1999 година. Истовремено тој е ослободен од обвинението дека учествувал во злосторства во селата Горно и Долно Студиме крај Вучитрн.

Извор:https://www.slobodnaevropa.mk/

Блок: Наодите упатуваат на директна вмешаност на Русија во падот на малезискиот авион

во категорија Свет од

Привремените наоди објавени оваа недела од страна на обвинителите кои го испитуваат падот на малезискиот авион на летот МХ17 “упатуваат на директна вмешаност на Русија, изјави холандскиот министер за надворешни работи Стеф Блок, пред почетокот на вонредната седница на холандската влада токму по ова прашање, објави новинската агенција Ројтерс.

Изјавата на блок за руска вмешаност во падот на малезискиот авион е најсилна и најдиректна од изјавите на сите холандски политичари кои се изјаснија по ова прашање.

MХ17 беше соборен над бунтовничката територија во источна Украина во 2014 година, при што загинаа 298 лица. Русија негираше каква било вмешаност.

Извор:https://www.slobodnaevropa.mk/

Бугарски навивачи бараат премин на нивниот клуб во македонската лига

во категорија Свет од

Навивачите на Пирин од Благоевград, незадоволни од она што тие го нарекуваат „репресија“ од бугарските фудбалски власти, побараа да и се приклучат на Македонската фудбалска лига. Нивниот клуб испадна од првата лига по сомнителен гол со кој загуби од Витоша Бистрица.

„Почитувани лидери на македонскиот фудбал, ние навивачи на Пирин Благоевград, ве повикуваме да го прифатите Пирин во македонското фудбалско првенство од следната сезона“, напишаа навивачите на Пирин во писмото до Фудбалската федерација на Македонија.

Пирин и навивачите на клубот се жалеја неколу пати на неправеден третман од Бугарскиот фудбалски сојуз и судиите во текот на сезоната. Клубот Пирин и Федерацијата не беа достапни за коментар, јавува Ројтерс.

Извор:https://www.slobodnaevropa.mk/

Петнаесет лица повредени во експлозија во ресторан во Онтарио

во категорија Свет од

Експлозијата се случи во градот Мисисага, околу 30 километри западно од Торонто кога двајца неидентификувани мажи влегле во еден ресторан и фрлиле импровизиран експлозивен уред пред да избегаат. Петнаесет лица биле префрлени во болница, од кои тројца со критични повреди. Нападот доаѓа еден месец откако еден возач изоде вагон во толпата во Торонто, при што 10 лица загинаа, а 15 беа повредени.

Извор:https://www.slobodnaevropa.mk/

Продолжуваат разговорите за името во Њујорк

во категорија Свет од

Денеска претпладне по њујоршко време или во 15.30 часот по македонско време, продолжува средбата на министрите за надворешни работи на Македонија и на Грција, Никола Димитров и Никос Коѕијас, со личниот пратеник на генералниот секретар на Обединетите нации Метју Нимиц, сопштија од македонското МНР. По завршувањето на денешната рунда се очекува некој или сите учесници во процесот да дадат изјави за тоа дали е направен некаков исчекор во преговорите. Вчершната рунда траеше шест часови. Во пресрет на новата рунда разговори во Њујорк, Димитров и Коѕијас одржаа посебни средби со генералниот секретар на ОН, Антонио Гутереш на кои се разговарало за последните случувања од разговорите за надминување на разликата околу името што се одвиваат под покровителство на Светската организација.

Извор:https://www.slobodnaevropa.mk/

Времето денеска: сончево и потопло

во категорија Свет од

Во Македонија ќе биде сончево и потопло со мала до умерена облачност. Попладне во јужните делови ќе има услови за локален краткотраен дожд и ретки грмежи. Максималната температура ќе се движи од 19 до 29 степени. Во Скопје и околината слично време со температура до 27 степени.

Извор:https://www.slobodnaevropa.mk/

Гутереш загрижен поради откажаниот состанок Трамп-Ким

во категорија Свет од

Генералниот секретар на ОН, Антонио Гутереш, денеска изрази длабока загриженост во врска со откажувањето на планираниот самит на американскиот претседател Доналд Трамп и лидерот на Северна Кореја, Ким Џонг-Ун. Првиот човек на светската организација ги повика двете страни да го продолжат дијалогот „со цел да се најде начин за мирна и доверлива денуклеаризација на Корејскиот полуостров”. Американскиот претседател Доналд Трамп денеска го откажа долго планираниот и долго очекуваниот самит со водачот на Северна Кореја, Ким Џонг-Ун, кој требаше да се одржи на 12- ти јуни во Сингапур. Во соопштението на Белата куќа, се вели дека Трамп го откажал самитот со Ким поради „огромен бес и отворено непријателство во неодамнешната изјава на Ким“.

Извор:https://www.slobodnaevropa.mk/

ИАЕА:Иранската нуклеарна програма во согласност со договорот

во категорија Свет од

Иран ја задржа својата нуклеарна програма во рамките на главните ограничувања наметнати од нуклеарниот договор од 2015 година со големите сили и покрај повлекувањето на Соединетите Држави од договорот, соопшти Меѓународната агенција за атомска енергија.

Во својот прв извештај откако американскиот претседател Доналд Трамп го објави повлекувањето на Вашингтон претходно овој месец, Меѓународната агенција за атомска енергија објави дека Иран ги почитува ограничувањата на нивото на кое може да го збогати нејзиниот фонд на збогатен ураниум.

ИАЕА соопшти дека ураниумот на збогатен ураниум на Иран останува во границите од 300 килограми утврдени во договорот, според кој Иран ги ограничи своите нуклеарни активности во замена за олеснување на санкциите.

Извор:https://www.slobodnaevropa.mk/

Меркел: Германија и Кина поддржуваат слободна трговија

во категорија Свет од

На првиот ден од посетата на Кина, германската канцеларка Анѓела Меркел, ја бранеше слободната трговија во период кога Германија и Кина се на мета на критики од страна на американскиот претседател Доналд Трамп, поради високиот трговски суфицит во однос на САД. Канцеларката денеска се сретна со кинескиот претседател Си Џинпинг. Оваа е нејзината 11-та посета на Кина од доаѓањето на власт во 2005 година.

„Кина и Германија напредуваат во промоцијата на мултилатерализмот и поддршката на слободната трговија,“ изјави Меркел по состанокот со кинескиот премиер Ли Кечанг, кој пак изјави дека и Германија и Кина се соочуваат со неколку предизвици во економскиот развој и дека тоа може да биде решено со заедничка соработка.

Дводневната посета на германската канцеларка доаѓа откако минатата недела САД и Кина постигнаа договор за да избегнат трговска војна, непосредно пред воведување на казнените тарифи за кинеските производи во САД, јавува Франс-прес.

Извор:https://www.slobodnaevropa.mk/

Оди на почеток