Author

e-post - page 1027

e-post has 19301 articles published.

Во Скопје се протестираше против загадувањето на воздухот

во категоријата Македонија

Со маски и плакати во рацете денеска граѓаните излегоа на пртотест пред Собранието против загадувањето. Иако протестот беше мирен, Собранието беше обезбедено од полициски кордон. Стотици граѓани се одѕваа на повикот од иницијативата „Канцерогено општество“, а меѓу учесниците беше и оваа мајка со своето дете… (инсерти)

Учесниците на протестот рекоа дека секој ден по четири луѓе умираат поради катастрофалното загадување на воздухот. Тие поради оваа состојба изразија голем револт и незадоволство кон властите.

Според нив, фабриката за челик, Железара ја предводи листата на најголеми загадувачи на градот, а потоа тука се и греењето на жителите со гуми и пластика. На протестот побараа владата да прекине со краткорочните мерки и да преземаат сериозни долгорочни мерки. Тие исто така побараа итна седница на Владата на која ќе учествуваат експерти, лекари и еколози кои денеска не беа дел од протестот.

Аднан Ќаили

ИЗВОР: https://www.alsat-m.tv/

Макрадули: Ќе го подобриме квалитетот на воздухот, за да фатиме чекор со останатите европски развиени држави

во категоријата Македонија

Со цел да се поттикне свеста за електромобилноста како дел од мерките за намалување на аерозагадувањето во Скопје ќе се одржа настан „Ден без возила на фосилни горива“.

Иницијативата е покрената од страна на „Прокредит банка“ и поддржана од Министерството за животна средина, општина Карпош, ЕВН, МЕПСО, компанијата „Порше“ како и компании кои имаат сопствено искуство во возење на електрични/хибридни автомобили.

На панел дискусијата која се одржа веднаш по изложбата, се обрати и заменик министерот за животна средина и просторно планирање, Јани Макрадули кој се осврна на фактот дека ова е клучна година во борбата со аерозагадувањето.

„Владата е силно посветена и постојано работи на имплементирање на мерки и подобрување на законите во согласност со реалните европски искуства за да ги подобриме квалитетот на воздухот, состојбата со животната средина, а секако и за да фатиме чекор со останатите европски развиени држави“, изјави Макрадули.

ИЗВОР: https://tv21.tv/

ВИДЕО: Цвета тимскиот дух во Дортмунд, „милионерите“ со петка за Хановер

во категоријата Спорт

Екипата на Борусија Дортмунд продолжи со добрите партии во Бундеслигата и на домашен терен со убедливи 5-1 (1-0) го совлада аутсајдерот на хартија Хановер.

Очекувано, „милионерите“ со фантастична тимска игра го надиграа ривалот кој се бори за опстанок и се зацементираа на првото место на табелата.

Првиот погодок на мечот беше дело на Хакими во 24. минута, по едно одлично проигрување со Гереро, додека на 2-0 зголеми Ројс, во 60. минута, по катастрофална грешка на противничката одбрана. Само две минути подоцна, по контра, Марио Геце даде трет гол во мрежата на Хановер, а последниот гол за Дортмунд го даде Гереиро во 67. минута од мечот на „Сигнал Идуна Парк. Утешниот гол за гостите беше дело на Марвин Бакалорц, но Дортмунд реши да не се предава, па преку Витсел даде петти гол во мрежата на противникот.

Борусија Менхенгладбах на домашен терен со 2-0 (0-0) беше подобра од Аугсбург. Домаќините промашија пенал во првиот дел, а трите бода ги најави Вендт во 79. минута од мечот. Победата ја запечати Херман.

На останатите средби, Баер Леверкузен беше поуспешен од Волфсбург (0-3), Хофенхајм запиша три бода против Фрајбург (4-2), додека Мајнц како домаќин со 2-1 го совлада Нирнберг.

Извор: https://www.gol.mk/

Два гола на Ристовска, Крим со несреќен пораз тргна во новата година во ЛШ

во категоријата Спорт

Македонската репрезентативка Сара Ристовска и нејзиниот Крим Меркатор доживеаја несреќен пораз на првиот меч од продолжението на сезоната во Лигата на шампионите и на домашен терен загубија од норвешки Виперс Кристиансанд (24-25).

Словенечкиот тим имаше активен резултат се до четири минути до крајот, кога гостинот даде два гола во серија преку Ваде и Реистад и создаде разлика која му беше доволна за триумф. Сара Ристовска го заврши натпреварот со два гола од вкупно три обида.

Настап во женската Лигата на шампиони имаше и капитенот на репрезентацијата Елена Ѓорѓиевска, која со својот тим Крајова од Романија загуби на гостувањето кај фаворизираната Подравка (23-18).

Вечерва се игра дуел на последните два европски прваци, Ѓер и Будуќност.

Извор: https://www.gol.mk/

Заев и Ципрас номинирани за Нобелова награда од Социјалистите и Демократите, Зелените и Обединетата левица

во категоријата Македонија

Грчкиот премиер Алексис Ципрас и премиерот на Северна Македонија, Зоран Заев, се номинирани за Нобеловата награда за мир за 2019 година од страна на претседателот на Групата на прогресивната алијанса на социјалистите и демократите во Европскиот парламент, Удо Булман, Ска Келер од групата на зелената/Европска слободна алијанса и Габи Цимер од Европската обединета левица – зелена нордиска, пишува денеска грчката новинска агенција АНА-МПА.

Во заедничката изјава потпишана од Булман, Келер и Цимер се нагласува дека „Преспанскиот договор меѓу Грција и поранешната југословенска Република Македонија стави крај на спорот кој трае долго време и носи стабилност во регионот на Западен Балкан”.

Тие подвлекуваат дека Преспанскиот договор, кој беше ратификуван од парламентите на двете земји, е „модел за мирно решавање на меѓународните проблеми преку дијалог и заеднички компромис. Премиерите Зоран Заев и Алексис Ципрас имаа политичка храброст да продолжат со договорот и покрај националистичката опозиција.”

-Поради сите овие причини го поддржуваме номинирањето на Алексис Ципрас и Зоран Заев за Нобелова награда за мир за 2019 година од страна на Видед Бушамауи, добитник на Нобеловата награда за мир во 2015 година, велат Келер, Булман и Цимер во заедничката изјава.

-Сега конечно ќе можеме да кажеме: Добредојдовте во Република Северна Македонија”, изјави Булман во писмена порака, додавајќи дека ратификацијата докажува дека прогресивните политички сили можат да ги решат долготрајните несогласувања и да прават тешки компромиси што националистите или конзервативците не успеаја да ги постигнат речиси три децении.

Булман, исто така, им честиташе на премиерите Алексис Ципрас и Зоран Заев за „историскиот договор кој сега ќе се спроведе.”

Тој, исто така, ги повика земјите-членки на ЕУ да докажат дека оние кои постигнуваат тешки компромиси ќе бидат наградени и ја повика ЕУ да ја покани поранешната југословенска Република Македонија да “ги започне преговорите за членство во Европската унија во јуни 2019 година”.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

ИЗВОР: https://1tv.mk/

Поделени 150 пакети за семејствата со социјален ризик, ќе добиваат помош секој месец

во категоријата Македонија

Општина Центар во соработка со здружението Банка за Храна Македонија (БХМ) и овој месец продолжува со спроведување на проектот „Нула Глад“.

Градоначалникот на Општина Центар, Саша Богдановиќ и претставникот на Банката, Душко Христов, денеска пред просториите на Јавното претпријатие „ПОЦ“, поделија 150 пакети со прехранбени производи на жители на општината од семејства со висок социјален ризик.

-Проектот го почнавме за да им помогнеме на оние на коишто сме им најмногу потребни. Наместо еднократно, отсега овие граѓани секој месец ќе добиваат социјални пакети со масло за јадење, брашно, супи, јајца и останати прехранбени производи кои ќе им овозможат полесно да го поминат месецот, изјави Богдановиќ.

„Нула Глад“ на глобално ниво има за цел да го искорени гладот, да го реши проблемот со неухранетоста и да воспостави одржлив и инклузивен прехранбен систем. Општина Центар е првата општина во Македонија која го спроведува овој проект.

Општина Центар го спроведува проектот во соработка со здружението Банка за Храна Македонија, а во соработка со маркетите: Рамстор, Кам, Веро, Тинекс, Жито Маркети, Стокомак, Гранап и Кит-Го.

ИЗВОР: https://tv21.tv/

Берге: Мирхол беше тактичкиот детаљ со кој ја победивме Германија

во категоријата Спорт

Селекторот на норвешката репрезентација и поранешен ракометар на Флензбург, Кристијан Берге, ден по големата победа над Германија во Хамбург, ја објасни тактиката со која извојувал тактичка победа над Прокоп и бундес-тимот.

„Трчавме 60 минути и затоа дојдовме до триумф. Знаевме дека Германија игра агресивна одбрана. Мирхол е нашата шанса на линијата и тој беше одличен, цврст, клучен човек. Тој дел од тактиката многу ни помогна“, рече селекторот.

Потоа Берге се осврна на финалето против Данска, очекувајќи вести за повредата на 21-годишниот Род, најдобриот поединец во полуфиналето против Германија.  

„Веќе еднаш загубивме од Данска на турнирот. Сега ќе се обидеме да дојдеме до подобар резултат и барем да бидеме блиску до противникот“, заврши Кристијан.

Второ мундијалско финале по ред, Норвешка во мечот за златото игра против домаќинот на првенството и ќе се обиде да стигне до првата светска титула, откако пред две години загуби од Франција во Париз. 

 

Извор: https://www.gol.mk/

Законот за ратификација на Договорот од Преспа објавен во Службен весник и во Грција

во категоријата Регион

Договорот меѓу двете земји е и офоцијален закон во Грција, а го потпиша и грчкиот претседател Прокопис Павлопулос веднаш по ратификацијата во Парламентот.

Законот од Министерството за надворешни работи на Грција под наслов „Ратификација на конечниот договор за решавање на разликите како што се објаснети во одлуките на Советот за безбедност на Обединетите нации 817 (1993) и 845 (1993), прекинување на Времената спогодба од 1995 година и воспоставување на стратешко партнерство меѓу страните“ содржи 3 члена.

Првиот член е договорот во целост на англиски и преведен на грчки јазик. Вториот член се однесува на подигањето на нивото на Канцеларијата за врски во Скопје во амбасада и на Канцеларијата за конзуларни, економски и трговски работи во Битола на ниво на Генерален конзулат. Третиот член објаснува дека законот стапува на сила по објавувањето во Службен весник, а договорот стапува на сила по ратификацијата и по исполнување на предусловите, согласно членот 20.

 

За повеќе инфо на овој линк: https://tv21.tv/mk/

ВИДЕО: Вардар загуби и од Миеѓ Легница во третиот тест во Аланија

во категоријата Спорт

Македонскиот фудбалски вицепрвак Вардар доживеа пораз во третиот контролен меч во Аланија и загуби од полскиот прволигаш Миеѓ Легница (1-2).

Вардарци имаа предност, но со пресврт го загубија натпреварот. Македонскиот тим поведе во 21. минута со погодокот на бразилскиот интернационалец Вилијан Лира кој со шут по земја и мала доза на среќа го совлада голманот на полскиот тим.

Миеѓ Легница почна да притиска по примениот гол, а на 1-1 се изедначи во 36. минута, по една лоша реакција во дефанзивата на новото засилување Жуниор. Со нерешен резултат се замина на пауза, а на десет минути пред финишот Миеш Легница даде втор гол, за конечни 1-2.

За Вардар ова е трет пораз во третиот контролен натпревар во Турција, по поразите од Иртиш и Сумгаит.

Извор: https://www.gol.mk/

Законот за Договорот од Преспа објавен во Службен весник на Грција

во категоријата Македонија

Законот според кој се ратификува и стапува на сила Договорот од Преспа е објавен во Службен весник на Грција, откако претходно, веднаш по ратификацијата од Парламентот, го потпиша и грчкиот претседател Прокопис Павлопулос.

Со објавувањето во Службен весник со датум 25 јануари 2019, договорот меѓу двете земји веќе и официјално е закон во Грција.

Законот од Министерството за надворешни работи на Грција под наслов „Ратификација на конечниот договор за решавање на разликите како што се објаснети во одлуките на Советот за безбедност на Обединетите нации 817 (1993) и 845 (1993), прекинување на Времената спогодба од 1995 година и воспоставување на стратешко партнерство меѓу страните, содржи 3 члена.

Првиот член е договорот во целост на англиски и преведен на грчки јазик. Вториот член се однесува на подигањето на нивото на Канцеларијата за врски во Скопје во амбасада и на Канцеларијата за конзуларни, економски и трговски работи во Битола на ниво на Генерален конзулат. Третиот член објаснува дека законот стапува на сила по објавувањето во Службен весник, а договорот стапува на сила по ратификацијата и по исполнување на предусловите, согласно членот 20.

Како нацрт закон, минатата сабота, Договорот од Преспа беше донесен во грчкиот Парламент по што следеше дводневна расправа на надлежната Комисија за надворешни работи и одбрана, потоа пратениците над 38 часа на пленарна седница во три продолженија расправаа за решението меѓу двете земји, а вчера напладне со 153 гласа „за“, законот беше усвоен.

Веднаш по ратификацијата, го потпиша претседателот на Грција Прокопис Павлопулос и го отвори патот за објавување на законот во Службен весник.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

ИЗВОР: https://1tv.mk/

оди на почеток