Author

e-post - page 1027

e-post has 12137 articles published.

Професионалнoста и зад шанковите е сегмент на добра туристичка понуда

во категоријата Македонија

Охрид,  6 октомври 2018 (-) – Хедонизмот не е непознатица на овие простори иако луѓето по правило и погрешно го врзуваат исклучиво за телесни уживања, најчесто во негативна конотација. Македонскиот народ, како и по непишано правило сите народи во овој дел од светот, ужива во добра храна и пијалок. Тоа оди дотаму што дури и гостопримливоста на овој простор се мери според она што домаќинот ќе ги понуди во вид на чашка за добредојде, за здравица пред или после добар оброк или како поздрав при збогување со желба за повторно видување. Пиењето алкохол во умерени количества не се смета за порок, некаде и се прерорачува како здрава навика што го разигрува срцето и духот. Доколку умереното консумирање пијалок е хедонизам, а добрата „капка“ ни претставува ритуал за зачинување посебни мигови во секојдневниот живот, тогаш уживањето во специјално приготвен коктел секако е ништо друго туку живеење на моментот.
Во Охрид деновиве се одржа 10 јубилејно издание на „Вигор Бармен купот“, најголемото натпреварување од тој вид во Македонија. Натпреварувачите ги оценуваше реномирано жири составено од еминентни експерти од Хрватска кои ги вреднуваа нивните техники врз две основи – и тоа т.н. стручна работа односно технички дел со следење на основните начела што мора да се почитуваат. Вториот дел од оценувањето отпаѓа на вкусот, бојата и мирисот на приготвениот коктел. Жирито дополнително вреднуваше индивидуални креации, нешто што секој бармен го додава на коктелот како своја персонална нота.
Експертите посочуваат дека консумирањето коктели е култура што на овие простори постојано се развива, секојдневно расте интересот за релаксација со добар пијалок, а се поголем е бројот момци и девојки што го одбираат приготвувањето коктели како своја животна професија.
Кога станува збор за туризмот како стопански сегмент, добрата понуда остварена преку обучен персонал во сите бранши, претставува еден од клучните фактори. Така смета експертот Марио Мајцен, претседател на Здружението на бармени од Загреб инаку, светски вицешампион во „флер“ техника или акробатска техника при приготвување коктели.

– Присуството на професионалци во персоналот на угостителските објекти по мене е исклучително важна ставка во севкупната туристичката понуда. Тоа е додадена вредност што придонесува за позитивната слика не само за локалот, туку и за градот, па и за државата во целина. Тука ќе дојдат гости од некои места кои можеби се економски поразвиени, со посилен пазар и ќе побараат нешто посебно. Доколку преку вложувања во едукација и обука вие им го овозможите тоа, гостинот ќе се чувствува како дома, а по мене тоа е исклучително важно. Факт е дека добра обука, со вложувања во професионалци, дава додадена вредност за секој гостин што дошол тука, а тоа недвосмислено се враќа преку добрите искуства што ги презентираат туристите кога ќе се вратат назад дома, изјави Мајцен.
Кога се зборува за културата на консумирање коктели членовите на жирито сметаат дека ниту во Македонија, како и во Хрватска, не може да се издвои нешто што би било специфично како понуда, оттаму што тоа е избор на самиот гостин.

– Секој човек има свој вкус, некој сака водка, некој џин, некој виски. Во принцип, на гостинот треба да му се понуди нешто од она што го сака, а потоа во таа насока да му се понуди некој коктел. Трендовите во Хрватска, верувам и тука во Македонија, моментално водат кон консумирање пијалоци на база на џин, џин-тоник, некои пијалоци што важат за основни, а потоа се надградени со некакви варијации со одредени примеси за нагласување на џин-тоникот. Класиците се секаде класици, добар класичен коктел е секогаш добар. „Москоу мјул“, „Мохито“, тие се коктели што гледано историски се долго на понудата, сето тоа повторно се враќа, тоа се веќе стандарди, некаква добра приказна што постојано се надградува со некакви примеси, изјави за – Анте Жиго, претседател на Здружението на бармени од Сплит.
Со пијалоците е слично како кога станува збор за храната, секој знае што му се допаѓа, го избира она што му лежи. Барменот како и готвачот мора да има прво основни познавања за тоа кој коктел што треба да содржи, да препорача нешто, а потоа зависно дали тоа ќе им се допадне на гостите, да продолжи понатаму да истражува и да експериментира.
Експертот по маркетинг Хрвое Тандара, бренд-менаџер за премиум алкохолни пијалоци на производителот „Бадел 1862“ смета дека мора прво да се инвестира во персонал, во бармени кои знаат да работат, луѓе што тоа ќе го работат квалитетно, а на гостите останува да уживаат.

– Секој малку подобар локал треба да има обучен персонал. Тука доаѓа тој маркетиншки дел, некаков совршен спој на струката и маркетингот. На секој сериозен производител на жестоки алкохолни пијалоци на т.н. „дарк“ пазари какви што се регионалните во кој спаѓа и Македонија каде не можат да се наметнуваат класични рекламирања, најважна е стручната обученост. Обучените бармени и познавачи се прозорецот на производителите на алкохол што гледа кон пазарот, тие ќе едуцираат други бармени и заедно со луѓето ангажирани од компаниите ќе бидат бренд амбасадори. Тоа е таа додадена вредност што и е додава на професијата. На крајот на краиштата мошне е важно како тоа лице што стои зад шанкот ќе ги презентира вашите производи, преку професијата и со некој совршен коктел во кој ќе уживате, изјави Тандара.
Според него, производителите на алкохолни пијалоци ја препознаваат таа нишка. Претставници на компаниите во Хрватска пред секоја сезона посетуваат огромен број угостителски објекти, а преку разговор со персоналот се укажува на бенефитите, континуирана едукација што да се нуди, што во која ситуација да се послужува…
– Денес, утре тој бармен што работи со одреден вид пијалок ќе замине на друго работно место, но веќе ќе има познавања што, кога каде и како да се понуди и послужи. Ете токму тоа се врши на вакви настани, тука е важноста на едукативниот дел, кој заедно со маркетиншките цели и политики на компаните ја создава синергијата во целата приказна, истакна тој.
Во Хрватска постојат угостителски училишта каде се обучуваат кадри, а поединците кои ќе се решат професионално да се занимаваат како бармени, продолжуваат на приватни обуки каде дополнително се доедуцираат и ги надградат основните познавања. Бројот на професионални бармени во Хрватска варира, едни заминуваат други доаѓаат, но, моментално во неколкуте професионални здруженија има повеќе од 300 регистрирани бармени.
–  Праксата е исклучително нужна, без тоа нема приказна. Сите ние во браншата се бориме за подобрување на нашиот статус, не е тука само да се заработуваат повеќе пари туку навистина да биде вреднувано времето потрошено за обука, како и неговото знаење. Факт е дека и во Хрватска, готови обучени бармени заминуваат во потрага по подобра плата, констатира Анте Жиго.
Што се однесува на Македонија, тука има неколку бармени од светска класа со освоено второ место на светско ниво.
– Имаме квалитетни бармени, меѓутоа тоа е на индивидуално ниво. Никој не работи со нив, на нивна надградба, никој не вложува во ширење на позитивните практики. Самите газди не препознаваат корист од професионален персонал. Берзата на трудот тука е таква каква што е, моментално лоша со слаба понуда на работна сила. Наместо да се брцне во џебот и да се задржи добар бармен кој ќе го обучи персоналот, ќе создаде професионална екипа од полза на сите, како за работникот така и за работодавачот, рече Јане Јанев од организацискиот одбор на бармен -купот во Охрид.
Сопствениците на одредени угостителски објекти ги имаат препознаено бенефитите од професионално обучен кадар, со формирана светска понуда на се она што го нудат од кујна до бар.
– Професионалноста е исклучително битна во услужниот сектор. Инвестициите во добро обучен кадар повеќекратно се враќаат, од подобрена понуда и услуга како предуслов за добра посетеност, а истовремено тоа е од полза за пошироката бизнис-заедница оттаму што задоволен гостин е најдобра реклама за конретна туристичка дестинација, вели Јанев.

Тој изрази жалење што во Охрид како наша најпозната туристичка дестинација не заживеа проектот од 2015 година со промоцијата на брендираниот коктел „Еден бисер“, кој веќе и го нема на понуда во охридските хотели и барови.
–  Не мора да биде коктел, може да биде и некое јадење специфично за одредена дестинација, во случајот Охрид. Секој гостин што доаѓа тука сака да проба локална храна, домашни производи, домашно пиво. Специфичната понуда врзана за одредено место претставува одреден белег, станува препознатлив бренд што носи приказна и профит, истакна Јанев.
Александар Бачиќ

Извор:https://www.mia.mk

Вардар добро знае како се ловат бундеслигашки „лавови“

во категоријата Спорт

Македонскиот ракометен првак Вардар е пред четвртиот натпревар во Лигата на шампионите. Во Скопје, доаѓа германски Рајн Некар Левен кој важи за еден од конкурентите за горните места на табелата.
Германските „лавови“ имаа меч за заборав со Гумерсбах во Бундеслигата и во Скопје доаѓаат да ја поправат сликата. Но, Вардар игра во одлична форма на која кумуваат три победи во низа над Монпелје, Кристијанштад и Веспрем и воедно има искуство со германскиот претставник и добро знае како се „ловат“ бундеслигашките „лавови“, посебно во СЦ „Јане Сандански“, која важи за една од салите со најдобра атмосфера во Европа.
Досега двата тима одиграле осум официјални средби, а Вардар има пет победи, наспроти едно реми и два триумфа на германскиот колектив. Последниот натпревар кој се одигра во ноември, 2017 година во Германија заврши без победник (21-21), додека на последниот меч во Скопје, Вардар победи со 30-26 и противникот доби „ауф видерзен“ од трибините.
Стратегот Роберто Гарсија Парондо најави дека Рожерио Мораеш и Вуко Борозан ги санирале повредите, а се чека на официјална потврда за нивниот настап во записникот. Кај Рајн Некар Левен ќе недостасува столбот во одбраната и некогашен вардарец, Илија Абутовиќ, кој е повреден.
Натпреварот меѓу Вардар и Рајн Некар Левен се игра од 17:30 часот, а билети речиси и да нема.

Извор: https://www.gol.mk/

Земјотрес на Сицилија, има повредени лица

во категоријата Свет

Земјотрес со јачина од 4,8 степени според Рихтеровата скала утрово е регистриран во провинцијата Катанија на италијанскиот остров Сицилија.Епицентарот на земјотресот бил на територијата на општината Санта Марија ди Ликодија и на длабочина од девет километри. Според локалните медиуми, неколку лица биле хоспитализирани со мали повреди, и во состојба на шок. Како резултат на земјотресот, паднати се дел од фасадите на неколку згради. Локалните власти во општината отцепија поединечни области.Штети се предизвикани и во две соседни општини – Бјанкавила и Адрано. Потрерсот бил почувствуван на целата територија на провинцијата Катанија, како и во провинциите Ена и Месина и во градот Сиракуза.Во јули беа објавени извештаи дека научниците забележале нова сеизмичка активност во областа на вулканот Етна, кој е најголем во Европа. Тој исто така се наоѓа во западниот дел на островот.Земјотрес на Сицилија, има повредени лица was last modified: October 6th, 2018 by Kristijan Landov

Извор: https://a1on.mk/

Извонредна партија на дебито: Брилијантниот Ѓуроски го сруши Бетис

во категоријата Спорт

gjuroski timska

Македонскиот репрезентативец, Стојан Ѓуроски во оваа сезона ќе го гледаме во Шпанија и тоа во дресот на второлигашот Левитек Уеска каде веќе на своето деби во лигата блесна и беше најзаслужен за триумфот над Реал Бетис од 92-84.

Ѓуроски се најде во почетната петорка кај домаќините, а таа доверба ја оправда со 21 поен (3/6 за два, 5/7 за три) 4 скокови и 1 асистенција со што беше најдобар поединец на средбата.

Оваа почетна партија на Стојан е одлична најава за него во шпанската кошарка, но и за неговата самодоверба во оваа нова авантура во неговата кариера.

Извор: https://derbi.mk/

Пропуст во iOS 12 кој дозолува iPhone да биде отклучен без шифра (ВИДЕО)

во категоријата Технологија

Дали iPhone е навистина толку безбеден колку што Apple сака да веруваме?Apple го рекламира iPhone како многу безбеден уред, што е можеби малку смешно кога некој без поголеми потешкотии може да ја заобиколи целата таа безбедност, после инсталирањето на најновата верзија на iOS.
YouTube видео открива како е можно да се заобиколи lock screen на телефон кој има iOS 12 без да ја знаете шифрата и да имате пристап до контактите и фотографиите на уредите.
Процесот, кој го откри експертот за безбедност, Хозе Родригез побара Siri да овoзможи Voiceover можност и потоа е потребно да се испрати текстуална порака од друг телефон на iPhone.

Потоа со само двоen допир на прстот во вистински момент се овозможува пристап до опциите и командите, кои инаку не би можеле да се користат.
Една од тие опции овозможува да пристапите до контактите на телефонот, додека малку покомплициран хак може да ви дозволи да пристапите и до фотографиите на телефонот.
Оригиналното видео прикажува како овој трик функционира на iPhone 8, но истата техника успешно е испробана и на новите модели iPhone XS и iPhone XS Max.

Извор: Telegraf.rs
 

Извор: https://usb.mk/

Јакобсен: Ако играме како против Гумерсбах, немаме шанси во Скопје

во категоријата Спорт

Од вечерва делегацијата на Рајн Некар Левен веќе е во Скопје, каде утре попладне против Вардар ќе го одигра дербито на четвртото коло на Лигата на шампионите. Променливите игри на почетокот од сезоната го колебаат тренерот на германскиот претставник во елитниот Куп, Николај Јакобсен.
„Ако играме во Скопје против Вардар како во првиот дел против Гумерсбах, немаме никаква шанса да извојуваме позитивен резултат. Играме едно добро, а едно лошо полувреме, ни треба континуитет. Немаме стабилност, а за победа во Скопје баш тоа ни треба. Нема да биде лесно на почетокот од сезоната, очекував падови во играта и одлични, но и многу лоши партии“, смета Николај Јакобсен.

Рајн Некар Левен е една ретките екипи кои победувале во СЦ „Јане Сандански“ во последните неколку години и затоа вардарци многу претпазливо ќе влезат во дуелот со „лавовите“. Филип Талески вторпат ќе гостува во Скопје во дресот на германскиот вицешампион.

Извор: https://www.gol.mk/

Три лица повредени во сообраќајна несреќа кај Баткова чешма

во категоријата Македонија

 Три лица се повредени во сообраќајна несреќа што околу 18:40 часот се случила на патниот правец Делчево – Македонска Каменица, кај местото Баткова чешма. 
Медицински тим на Итната медицинска помош од Делчево интервенирал во сообраќајната несреќа која се случила кај месноста Баткова Чешма, по што трите повредени лица се префрлени во Здравствениот дом Делчево.
– Околу 19:00 часот по претходен повик во Здравствен дом Делчево донесени се три машки лица. Прегледани се во Итната помош и направени се рентген снимки на местата каде чувствувале повреди. На двете лица кои патувале заедно во својот автомобил, инаку бугарски државјани, им е направена снимка на граден кош и стапало. Двете лица се пожалиле на гушење во градите и се под присмотра на лекарите. На третото лице, кое било возач на комби, направени се рентген снимки на граден кош и стомак и му се дадени понатамошни упатства од страна на лекарите, информираат од Здравствениот дом од Делчево.
На лице место на несреќата е направен увид од страна на полицијата, но од таму дополнителни информации најавија по завршувањето на целосната истрага.
Сообраќајот на патниот правец Делчево – Македонска Каменица, кај местото Баткова чешма, беше во прекин поради сообраќајната несреќа

Извор: https://sitel.com.mk

ИОК им даде „зелено светло“ на три кандидатури за ЗОИ 2026

во категоријата Спорт

Меѓународниот олимписки комитет (ИОК) одобри три кандидатури за организација на Зимските олимписки игри кои ќе се одржат во 2026 година.
Зелено светло добија кандидатурите на Калгари (Канада), Стокхолм (Шведска) и италијанските Кортина Д’Ампецо и Милано. ИОК го отфрли барањето за организација на турскиот град Ерзурум.
Домаќинот на ЗОИ 2026 ќе биде одреден во септември следната година.

Извор: https://www.gol.mk/

„Мирор“: Мурињо ќе добие отказ уште овој викенд

во категоријата Спорт

murinjo

Жозе Мурињо веќе го потрошил кредитот кај раководството на Манчестер Јунајтед и без разлика на исходот од дуелот со Њукасл, тој ќе добие отказ уште во текот на викендот, – тврди весникот „Дејли Мирор“.

Извори од бордот на Јунајтед го информирал овој медиум дека одлуката е веќе донесена и Португалецот веќе може да размислува за својот следен предизвик во тренерската кариера, нешто што се совпаѓа и со невообичаеното однесување на Мурињо на последната прес-конференција од која впечаток на медиумите беше дека се однесувал како да е помирен со актуелната ситуација и дигнал раце од досегашните напори да ги промени работите.

Пред ова коло, Јунајтед е на 10. место, со 9 бодови помалку од лидерите Манчестер Сити и Ливерпул. Се очекува привремена замена за Мурињо да биде неговиот асистент Мајкл Карик.

Извор: https://derbi.mk/

Таткото на режисерот Јани Бојаџи е меѓу 13-мина приведени за криумчарење артефакти,вели МВР

во категоријата Македонија

Таткото на режисерот Јани Бојаџи денеска е приведен во рамки на акција за сузбивање криминална група за криумчарење артефакти, во која се уапсени 13 лица во неколку градови, вели МВР, откако режисерот вечерва објави дека во домот на неговите родители во Струмица утринава е извршен претрес по што татко му е приведен и донесен во полициската станица во Гази Баба во Скопје.
„Лицето А. Б. е лишено од слобода во склоп на акцијата на одделот за сузбивање на организиран криминал за сузбивање на криминална група во повеќе градови во државата, при што се привремено одземени голем број на артефакти, а лишени од слобода се 13 лица. Утре на прес-конференција ке ги соопштиме сите детали“, изјави за САКАМДАКАЖАМ.МК портпаролот на МВР Тони Ангеловски.
Режисерот Бојаџи, кој вечерва е на македонската премиера на неговиот филм „Ругање со Христос“ на отварање на фестивалот Киненова во скопското кино Милениум, околу 19 часот на Фејсбук објави за приведувањето на татко му.
„Почитувани, да, утринава во домот на моите родители во Струмица е извршен претрес и после неколку часа мојот татко Андони (75) е донесен во Скопје и приведен во полициската станица во Гази Баба. До овој момент со него не разговарал полициски инспектор, обвинител или судија! Ви благодарам на подршката на сите вас кои денес од раните утрински часови бевте со мене и моето семејство. Да сте живи и здрави. Се гледаме за помалку од час во Кино Милениум.Татко ми со мислите ќе биде со сите нас!“, напиша Бојаџи.
Филмот на Бојаџи е актуелен изминатиов период по реакциите од Министерот за култура Асаф Адеми и од директорот на Агенцијата за филм Горјан Тозија, кои иако велат дека не го гледале филмот туку само трејлерот, го оценија како скандалозен, без уметничка вредност и оти ги навредува чувствата на Албанците оти војниците на ОНА се претставени како насилници силувачи.
Бојаџи пред 3 дена обвини дека власта се обидува да ја спречи премиерата и кинодистрибуцијата на „Ругање со Христос“ во Македонија, а вчера кажа и дека филмот е одбиен од сите центри за култура, како и од Синеплекс.
„Ми кажаа дека до крајот на годината немаат ниту еден слободен термин. И во кино Милениум и во кино Фросина. Исто и во Кино Култура, во Битола, во Куманово и во други градови“, изјави вчера Бојаџи.

Извор: https://sitel.com.mk

оди на почеток