Руската новинарка Дарија Асламова уапсена на Косово, ја обвинуваат за ТЕШКИ дела

1 min read

Министерот за внатрешни работи на Косово, Џелал Свечла соопшти дека безбедносните органи ја уапсиле Русинката Дарија Асламова на северот на земјата.

Преку објава на Фејсбук, Свечла рече дека „многу земји докажале дека таа се занимавала со шпионажа за руското воено разузнавање и дека дејствувала под маската на новинарството“.

-Учествуваше и во борбите во Украина со пропаганда за руската инвазија на Украина, напиша Свечла.

На некои фотографии што ги сподели преку својата објава на Фејсбук, Асламова се гледа со рускиот министер за надворешни работи Сергеј Лавров и сирискиот претседател Башар ал Асад.

Свечла рече дека косовските власти биле запознаени со нејзините активности, а според него, на Асламова и е забранет влез во многу земји.

-Нејзиниот обид да влезе во нашата земја, покрај тоа што се совпаѓа со случувањата на северот на земјата, јасно ги докажува руските врски и пропаганди на кои Србија веќе се приклучи и кои имаат за цел да ја дестабилизираат нашата земја, рече меѓу другото Свечла.

kurir.mk

Претходно

„Сè за витка фигура“: Шпанската кралица се откажала од пијалаците без кои многу луѓе не можат да живеат

Следно

Се подготвена голема размена со која Донован Мичел може да заврши во Њујорк

Latest from Blog

MacedonianEnglishAlbanian