Дејвис: Ривалството меѓу Е. Пелистер и Вардар може слободно да се спореди со тоа на Порто и Бенфика

3 mins read

Екипата на Еурофарм Пелистер во новата сезона има шампионски амбиции кои се поткрепени со носење на неколку квалитетни засилувања меѓу кои е и португалскиот репрезентативец Вилсон Дејвис.

Дејвис кој игра на позицијата среден бек и во Битола доаѓа како замена за Јосип Периќ, беше и официјално промовиран како нов ракометар на Е. Пелистер.  Португалецот очекува Битола по пауза од 18 сезони повторно да се радува на шампионска титула.

– Шансата да дојдам тука ми ја понуди мојот менаџер кој ми кажуваше за идејата на клубот да конструира силен тим за да ги освои домашните титули. Тоа ме заинтересира многу и не беше тешко да се одлучам да потпишам за овој клуб. За мене е задоволство и голем предизвик што сум во Еурофарм Пелистер. Клубот има големи амбиции, сака да освојува титули, да биде градот среќен, бидејќи 18 години е без титула. Веќе нестрпливо сакам да играм и да освојувам трофеи пред нашите навивачи – вели Дејвис.

Оптимизмот кај Португалецот за претстојната сезона го влева квалитетот на ракометарите, како и новиот тренер, Данецот Ларс Валтер.

– Имаме искусна екипа и млади момци, но генерално многу има квалитет во оваа група. Добивме скандинавски тренер, со свои идеи за атрактивен ракомет. Се трча многу и се бара многу напади, но и силна одбрана, каква што е неопходна. Првите импресии ми се одлични, сите напорно работат и градиме нешто за да биде подобро.

Дејвис исто така е импресиониран и од битолчани кои добро го познаваат ракометот и очекуваат титула за која главната борба се очекува да биде со актуелниот шампион Вардар 1961. Тој смета дека македонското големо дерби може да се спореди со тоа меѓу Порто и Бенфика.

– Немав можност многу да го видам градот, но кога излегов воочив дека луѓето ме препознаваат, го знаат ракометот. На пример пред некој ден ми пријде еден човек и ми рече: „Оваа година ја сакаме титулата“. Ќе работиме како овој човек и сите навивачи да ги задоволиме. Спремен сум на тој притисок, веќе ми кажуваа за Битола и би била голема радост да ја донесеме титулата во градот. Играв во Порто и можам да ви кажам дека ривалството со екипите од Лисабон, посебно со Бенфика, е големо. Ова ривалство меѓу Еурофарм Пелистер и Вардар 1961 може да се споредува со тоа. Го видов тоа и од видео снимките од минатата сезона.

www.slobodenpecat.mk

Претходно

Одбележување на 27-годишнината од операцијата „Олуја“: Во Србија помен, во Хрватска празник

Следно

ФОТО | Би го купиле ли новиот бизарен тренд на „Баленсијага“? Ќесе за отпадоци за 1.790 долари

Latest from Blog

MacedonianEnglishAlbanian