Бугарското МНР со честитка до Македонија по повод 2 Август

2 mins read

Срдечна благодарност за искрените честитки од нашите колеги во Софија. Постигнавме многу во изминатиот период, создавајќи цврста платформа за натамошен развој; остануваме посветени да ги јакнеме меѓусебните врски и да ги негуваме добрососедските односи, се вели во реакцијата од нашето МНР

Министерството за надворешни работи на Бугарија предмалку на Твитер упати честитки до граѓаните на Северна Македонија по повод државниот празник – 2 Август.

„Искрени честитки до Република Северна Македонија и нејзините граѓани по повод нивниот национален празник – 2 август. Уверени сме дека и во иднина ќе продолжиме со добра волја и политичка храброст да работиме за развој на добрососедските односи“, се вели во честитката.

Од нашето Министерство за надворешни работи, исто така на Твитер, се заблагодарија на честитиката.

„Срдечна благодарност за искрените честитки од нашите колеги во Софија. Постигнавме многу во изминатиот период, создавајќи цврста платформа за натамошен развој; остануваме посветени да ги јакнеме меѓусебните врски и да ги негуваме добрососедските односи“, се вели во реакцијата од МНР.

www.slobodenpecat.mk

Претходно

Што можете да земете од хотелска соба, а што не смеете? Сапун слободно, крпа никако!

Следно

Холандски фудбалски клуб им забрани на навивачите да бараат дресови од играчите

Latest from Blog

MacedonianEnglishAlbanian