На оние на кои еден дијамант не им е доволен, индиската компанија „СВА дајмондс“ има совршен прстен за нив во форма на печурка, во кој се наоѓаат 24.679 дијаманти.
Компанијата за производство на накит со седиште во Индија го собори Гинисовиот рекорд, така што во еден прстен вградила неверојатни 24.679 дијаманти.
SWA Diamonds, one of India’s leading ornament manufacturing companies has won the Guinness world record for the title the most number of diamond sets in one ring.#Guinnessworldrecord pic.twitter.com/QxKgSn8OYg
— Swa Diamonds Official (@SwaDiamonds) July 23, 2022
Овој спектакуларен прстен во својот дизајн потсетува на печурката буковка.
„Печурката буковка симболизира бесмртност и долговечност“, навел во соопштението Абдул Гафур Анадијан, извршен директор на „СВА дајмондс“.
Сложената структура на прстенот е создадена со излевање злато во пластичен калап, за да се создадат 41 уникатно ливче од печуркa. Секое ливче потоа е рачно украсено со природни дијаманти.
Блескавиот прстен тежи 340 грама, а неговата вредност се проценува на 95.243 долари, се наведува во соопштението. Тим од независни гемолози го верифицирале прстенот, а светскиот рекорд беше доделен уште во мај.
Креацијата „СВА дајмондс“, инспирирана од печурка, има речиси двојно поголем број на дијаманти од претходниот рекордер. Харшит Бансал ја освои титулата во 2020 година со цветен дизајн обложен со 12.638 дијаманти.
SWA Diamonds, one of India’s leading ornament manufacturing companies has won the Guinness world record for the title the most number of diamond sets in one ring. pic.twitter.com/cqyMKbdK7O
— Swa Diamonds Official (@SwaDiamonds) July 18, 2022
