Пендаровски: Неколку македонски партии се финансираат од Москва

2 mins read

Претседателот Стево Пендаровски во интервју за најновиот број на неделникот „Фокус“ ја коментира и изјавата на рускиот министер за надворешни работи Сергеј Лавров, кој деновиве повтори дека расположението на македонскиот народ е спротивно од евроатланскиот курс на политичката елита. Според Пендаровски, се работи за „провокативни изјави кои се дел од политичка пропаганда“.

-Сите државни институции знаат дека Русија се меша во нашите внатрешни работи. Последен пат со интензивно учество преку свои луѓе, свои политички субјекти, свои инсталации. Од соседството доаѓаат луѓе што се руски агенти, односно луѓе на руската служба. Не можам јавно да обелоденам од каде точно доаѓаат, зашто тоа се сензитивни информации, меѓутоа Русите и преку тие, модерно речени хибридни закани, преку политичката пропаганда прават обиди за влијание – вели Пендаровски.

Тој открива дека постојат сознанија кај надлежните органи за луѓе што доаѓале за да направат провокација на неодамнешни граѓански протести, но и за финансирање на „некои политички субјекти“. Притоа, Пендаровски не открива за кои субјекти се работи, но посочува дека тоа се „неколку субјекти во директна корелација со Москва неколку години наназад“.

-Сѐ додека тоа е политички артикулирано во институциите, тоа е во ред и тоа е демократски. Но, морам да кажам дека навистина чудно е тоа што неколку дена по руската инвазија во Украина, Левица го повика рускиот амбасадор во Собрание и го одликува за неговиот придонес во билатералните односи, што е без преседан. Во ниеден европски парламент не се случило тоа – наведува Пендаровски во интервјуто за „Фокус“.

Во однос на руската воена интервенција во Украина, шефот на државата вели дека никој нема проценка кога таа војна би завршила. Но, како што додава, сите проценки упатуваат дека конфликтот ќе трае, што, предупредува тој, ќе предизвика верижни реакции во светот во многу области.

Целото интервју прочитајте го во новиот број на неделникот кој можете да го купите и во електронска форма на овој линк.

www.slobodenpecat.mk

Претходно

Три хороскопски знаци кои треба да ја слушаат својата интуиција

Следно

Шкендија против шведскиот АИК за плеј-оф во Лигата на конференции

Latest from Blog

MacedonianEnglishAlbanian