Андреј Добрковиќ е новиот среден бек на РК Вардар

1 min read

Црногорскиот кадетски репрезентативец Андреј Добрковиќ (18) е нов играч на Вардар каде треба да остане во следните две сезони. Добрковиќ кој игра на позиција на среден бек доаѓа од тимот на Целје од Словенија каде досега настапуваше.

Во моментов тој се подготвува со репрезентацијата на Црна Гора за настап на кадетското ЕП што од 4 до 14 август ќе се одржи во Подгорица. Потоа ќе му се приклучи на Вардар на подготвките за новата сезона.

Добрковиќ ќе биде соиграч на Мартин Карапалевски на позицијата среден бек, а на крајот на годината нив ќе им се приклучи и Анте Гаџа кој почна да тренира по операцијата на лигаментите на коленото.

Добрковиќ е познато презиме што се поврзува за Вардар, бидејќи неговиот татко Марко Добрковиќ настапуваше една сезона во Вардар во сезоната 2005/2006. Младиот Андреј важи за еден од најталентираните играчи во неговата генерација во Црна Гора. Од 14 години настапува во Целје каде е дел од нивната Академија која е прогласена за најдобра во Европа.

Со екипата има освојувани многу турнири и бил вицепрвак на Словенија во кадетска конкуренција и шампион во младинска конкуренција. Сите четири години бил најдобар стрелец на екипата, а бил прогласуван и за најдобар стрелец на лигата. Со репрезентацијата на Црна Гора настапуваше за кадетската репрезентација на Медитерански игри во Турција каде бил најдобар стрелец и асистент на својот тим и неколкупати прогласуван за играч на натпревар.

www.slobodenpecat.mk

Претходно

Петков за Тајмс: Корупцијата е најдобрата алатка на Москва на Балканот

Следно

Рецепт за прочуените грчки ќофтиња од тиквички и фета сирење

Latest from Blog

MacedonianEnglishAlbanian