Киев: Русија ја злоупотребува нуклеарната централа Запорожје

1 min read

Градоначалникот на украинскиот град Енерходар, Дмитро Орлов денеска ги обвини руските војници дека ја користат нуклеарната централа Запорожје како тврдина од која отвораат оган.

– Окупаторите почнаа да користат тешко оружје во близина на нуклеарната централа Запорожје, во населени места. Ваквата состојба беше забележана во текот на минатата недела. Окупаторите го гранатираат градот Никопол, на спротивниот брег на реката и многу добро знаат дека украинските вооружени сили нема да одговорат на овие напади бидејќи можат да ја оштетат нуклеарната централа, изјави Орлов за украинската телевизија Еспресо.

Орлов не е во Енерходар бидејќи тој град е под контрола на руските сили уште од првите денови на војната, но вели дека сè уште е во блиска комуникација со своите сограѓани, пренесува Си-Ен-Ен.

– Окупаторите ги користат работниците на централата и локалните жители како заложници. Тие киднапираат граѓани за пари или другa корист, поради што луѓето се кријат во подрумите, рече тој.

kurir.mk

Претходно

ВИДЕО | Нови кавги и тензии во Собранието, овој пат меѓу Џафери и Мицевски

Следно

Шаќири: Да докажеме дека победата во Летонија не беше случајна

Latest from Blog

MacedonianEnglishAlbanian