Најмалку 21 жртва на труење со алкохол во Индија

1 min read

Најмалку 21 лице го изгуби животот, а 30 се хоспитализирани, по труење со алкохол во западна Индија, соопштија денеска официјални лица, пренсе Бета.

Инцидентот се случи во областите Ахмедабад и Ботад во индиската држава Гуџарат, каде забрането е производство, продажба и конзумирање алкохолни пијалаци.

Засега не е познато каква хемикалија имало во пијалокот.

Според индиски медиуми, приведени се неколку осомничени лица, кои продавале такви алкохолни пијалаци.

Смртните случаи од нелегален алкохол се чести во Индија, каде тој е евтин и често помешан со хемикалии како пестициди за да биде помоќен.

Криумчарењето алкохолни пијалаци стана доста профитабилен бизнис во Индија. Криумчарите не плаќаат даноци и евтино им продаваат на сиромашните огромно количество од своето производство.

Во 2020 година, најмалку 120 лица го изгубија животот по труење со алкохол во индиската северна држава Пенџаб.

kurir.mk

Претходно

Апел: Исчезната возрасна скопјанка, семејството бара помош да се пронајде Стојанка

Следно

Ламборџин направи сообраќајка во Скопје

Latest from Blog

MacedonianEnglishAlbanian