Пожарот кај Ѓавато го гасне хеликоптер, пожарникари го бранат селото од огнената стихија

1 min read

Утрово во шест часот армиски хеликоптер пристигна во гевгелиско и веќе два пати интервенираше над селото Ѓавато во Општината Богданици, соопштија од ЦУК.

-Пожарот кај место викано Погана е активен и се движи од с.Ѓавато према с.Грчиште. Кај с.Ѓавато е запрен на 100 до 200 метри од селото. На терен за гаснење на пожарот моментално се екипи на ДЗС од Валандово -тим за брз одговор со 13 вработени, Комуналец од Богданци со 10 луѓе, ДППД Дојран со една цистерна и  ТППЕ Струмица со 1 теренско возило со пумпа и 5 пожарникари, информираат од ЦУК.

Вчера пожарникарите со големи напори успешно го бранеа селото Ѓавато од огнената стихија, а огнот е контролирано пресечен на 150 метри од селото и свртен во правец на црквата и гробиштата и не е навлезен во селото.

Ноќеска на местото на пожарот останаа дежурните пожарникарски мешани екипи, распоредени со возила на 50 метри во линија пред селото и се обидуваа таа линија да ја одбранат до утрово кога очекуваа засилување од копно и од воздух.

Вчера огнот зафатени само една стара куќа на перферија од селото.

www.slobodenpecat.mk

Претходно

Милијардерот од „Гугл“ се разведува од сопругата поради нејзината афера со Илон Маск

Следно

Тунижаните гласаат на референдум за проширување на претседателските овластувања

Latest from Blog

MacedonianEnglishAlbanian