Д-р Илчо Ефковски: Колективниот имунитет не е нешто на што би требало да се ослониме за заштита од новиот сој БА.5

2 mins read

Летниот бран на зголемен број на ковид-позитивни случаи во земјава се должи на новата подваријанта на Омикрон сојот именуван БА.5, кој е присутен во голем број од инфекциите. Тој практично сосема ја заобиколува одбраната стекната од прележувањето на досегашните соеви, но и од вакцинацијата, па сосема очекувано во периодот што следи да се шири експресно за што сме сведоци деновиве, токму од зголемениот број на нови инфекции меѓу граѓаните.

Со овие зборови д-р Илчо Ефковски специјалист по трудова медицина за „Слободен печат“  ја согледува моменталната епидемиолошка слика во земјава по порастот на бројките во дневната статистика на заболени од ковид -19 од Министерството за здравство.

Д-р Ефковски посочува дека колективниот имунитет за кој многу се зборуваше не е нешто што би требало да се ослониме за заштита од новиот сој БА.5

– Она што денеска го гледаме преку зголемениот број на инфекции е резултат на мешањето на многуте видови од ковид соеви со доаѓањето на иселениците во земјава, заминувањето на одмор на граѓаните и масовните собири кои според мене се дел од причините за големиот број на новоинфицирани во земјава – посочува д-р Ефковски.

Според него, пикот на летниот ковид бран се очекува да биде за две до три недели од сега, а до тогаш тој апелира до Владата и Комисијата за заразни болести да ги затегнaт обврските за безбедноста на работата бидејќи главно заразување на граѓаните настанува на работното место или преку социјализацијата на граѓаните во големи групи.

– Најдобро избегнување на инфекцијата е да се избегнуваат собири и комуникација во затворен простор. Носењето на маската КН-95 е докажана превентива од вирусот во затворените простории во кои има лица кои не се од вашиот дом. Понатаму задолжителна вакцинација за сите лица над 50 години кои се вакцинирани пред 6 или повеќе месеци е неопходна. Се увиде дека и покрај вакцинацијата со трета бустер доза новите соеви успешно се шират – посочува д-р Ефковски.

Специјалистот по трудова медицина д-р Ефковски во исто време апелира до надлежните навремено да размислуваат на мерките за заштита во пресрет на училишната година кога според него, лани направи бум со нови инфекции во државата.

www.slobodenpecat.mk

Претходно

„Проблемот на Тинa“ и „Северен пол“ на фестивал за кратки филмови во Холивуд

Следно

Репрезентативецот Магдевски се врати во МЗТ Скопје Аеродром

Latest from Blog

MacedonianEnglishAlbanian