Активни три големи пожари во различни делови на Грција

2 mins read

Над 550 пожарникари интервенираат во трите големи пожари во Грција во три различни делови на земјата, на Лезбос, на Пелопонез и кај Еврос, активни веќе неколку дена, јави дописничката на МИА од Атина.

Во областа Суфли кај Еврос во близина на Националниот парк Дадиа, пожарот избувна во четвртокот, а во текот на викендот откако огнената стихија се доближи до населени места, превентивно беа евакуирани жителите.

Интервенираат 320 пожарникар со 13 пешадиски тима, 68 возила, два авиони и четири хеликоптери, а помагаат и војската, полицијата, пожарникари волонтери, како и цистерни од општините.

Рано утрово, дождот го олесни гаснењето на пожарот и напорите да се спаси Националниот парк.

Грција пожари
фотoЧ EPA-EFE/NIKOS CHALKIADAKIS

Во областа, од вчера е и министерот за климатска криза и цивилна заштита Христос Стилианидис.

Вчера избувна пожар во западниот дел на Пелопонез во областа Илиа, во близина на античка Олимпија, а утрово интервенираат 159 пожарникар со седум пешадиски тима, 59 возила, четири авиони и четири хеликоптери.

Веќе трет ден, активен е и шумскиот пожар во јужниот дел на островот Лезбос во кој во саботата изгореа куќи, а превентивно беа евакуирани жители на селата во близина на приморското место Ватера.

Грција пожари фотoЧ EPA-EFE/NIKOS

Во гаснењето на пожарот интервенираат 83 пожарникари со пет пешадиски тима, 21 возило, шест авиони и два хеликоптери, а помагаат и пожарникари волонтери и цистерни од општините.

Во трите пожари предизвикана е и материјална штета со изгорена голема површина.

Рано утрово избија шумски пожари во Касандра и Ситонија на Халидики.

www.slobodenpecat.mk

Претходно

Скопјанец сакал да си го убие 18-годишниот син

Следно

Амусан постави светски рекорд и освои злато на 100 метри со пречки

Latest from Blog

MacedonianEnglishAlbanian