Папата замина за Канада да го пренесе извинувањето на црквата до домородното население за злоставувањата на нивните деца во минатото

1 min read

Поглаварот на Римокатоличката црква, папата Франциск, денеска замина во посета на Канада каде се очекува повторно да побара прошка за улогата на црквата во злоупотребата на свештенството врз домородните деца во католичките интернати.

Авионот на папата претпладнево полета од Рим, а 85-годишниот папа поради болки во десното колено до авионот повторно дошол со инвалидска количка, што до авионот била покрената со лифт.

Папата Франциск, и покрај повредата на коленото, остана на одлуката летово да ја посети Канада за лично да се извини за злоупотребата на домородните деца во католичките училишта.

Од 19-от век па се до 1970 година повеќе од 150.000 домородни деца во Канада биле принудени да посетуваат христијански училишта, што биле финансирани од државата. Целта била овие деца да се изолираат од влијанието на нивните семејства и културата, односно за нивна асимилација.

Папата во април веќе се извини и побара прошка, изјавувајќи дека е засрамен и огорчен од тоа што домородните деца го доживеале од католичките просветни работници. (МИА)

kurir.mk

Претходно

Мицкоски: Ги продолжуваме консултациите за формата на референдумот за преговарачката рамка

Следно

ФОТО: Непознат сторител „разубавил“ Мерцедес паркиран на противпожарен приод во Хрватска

Latest from Blog

MacedonianEnglishAlbanian