Одбојкарите на Франција за прв пат се победници во Лигата на нации

1 min read

Одбојкарската репрезентација на Франција за пат триумфира во Лигата на нациите, откако во финалето на завршниот турнир што се играше во Болоња беше подобра од САД со 3:2 во сетови и тоа 25:16,25:19,15:25,21:25,15:10.

Иако се чинеше дека Французите убедливо ќе слават во големото финале, Американците успеаја да се вратат во игра и да се изборат за одлучувачки петти сет. Интересно е што иако се играа пет сета, во ниту еден од нив немаше резултатска неизвесност.

Французите ги добија првите два сета со убедливи 25:16 и 25:19 и кога речиси сите помислија дека мечот ќе завршеше во три сета, се разбудија одбојкарите на САД. Третиот сет го добија 25:15, а четвртиот 25:21, но немаа сили за одлучувачкиот петти сет и на крајот Франција славеше со 15:10.

Најдобар во редовите на Франција беше Ервин Нгапет со 22 поени, Жан Патри освои 17 поени, додека кај САД се истакнаа Арон Расел со 20 освоени поени и Тори Дефалко со 13 поени.

www.slobodenpecat.mk

Претходно

ВИДЕО | Неразделни пријатели: Голема љубов меѓу бик од 450 килограми и куче

Следно

ВРЕМЕНСКА ПРОГНОЗА: Посвежо утро, сончев и многу топол ден

Latest from Blog

MacedonianEnglishAlbanian