Победа на Шкендија во Рига за голем исчекор кон третото квалификациско коло во Лигата на конференции

1 min read

Екипата на Шкендија продолжува со одличните игри во квалификациите за пласман во Лигата на конференции и во третиот натпревар ја оствари втората победа.

Тетовските „црвено-црни“ откако во првото коло беа поуспешни од Арарат, денеска славеа на гости во Рига со 2:1 против Валмиера и направија голем исчекор кон пласманот во третото квалификациско коло.

Фудбалерите на Шкендија беа подобар тим на теренот, имаа поголем посед на топката (51-49), имаа повеќе шутеви (20-16) повеќе удари во рамките на голот (6-5) и на крајот тоа го крунисаа со победа и во реваншот ќе имаат гол предност.

Подобрата игра, Шкендија ја круниса уште во деветтата минута преку Љупче Дориев, но домашниот тим во последните моменти од првиот дел преку Гуеје успеа да доде до израмнување.

Тетовци имаа одлична шанса на одмор да заминат со предност, но шутот на Бејрулаи заврши во пречката. Во второто полувреме, Шкендија беше подобар тим и доминацијата ја круниса со гол на Гури во 63 минута.

Реваншот меѓу Шкендија и Валмиера ќе се игра идниот четврток во Скопје.

www.slobodenpecat.mk

Претходно

Смртни закани до редакцијата на бањалучкиот портал „еТрафика“

Следно

ВИДЕО | „Сакам вака да го прославам десеттиот месец пост оперативно“: Ивона Јо изгледа неверојатно

Latest from Blog

MacedonianEnglishAlbanian