Маричиќ: Скрининг процесот дава доволно простор за отворање дијалог во Собранието

1 min read

Денес ги почнуваме официјално преговорите и сите лаги на опозицијата и на останатите паѓаат во вода, бидејќи и преводот се одвиваше на македонски јазик. Ова го истакна вицепремиерот за европски прашања Бојан Маричиќ, во изјава за Канал 5, дадена веднаш по завршувањето на состанокот за отпочнување на скрининг процесот во Брисел.

На прашањето дали е можна промена на Уставот и обезбедување на двотретинско мнозинство во услови кога опозицијата изјавува дека нема да даде поддршка, вицепремиерот рече дека периодот на скрининг од 14 до 16 месеци дава доволно простор за отвoрање на процес на дијалог во Собранието и дефинирање на улогата на Собранието во преговорите.

„Мислам дека во процесот на скрининг ќе можат да се вклучат сите, да видат како тече. Ќе ги извадиме оние клучни документи, патокази за владеење на правото, за реформи во јавната администрација, за демократски институции, акцискиот план за малцинства за да се увери јавноста и пратениците дека таму нема ништо спорно, ниту ќе има нешто страшно. И на тој начин во еден дијалог да дојдеме до двотретинско мнозинство за промена на Уставот“, посочи Маричиќ.

Според него, јасно е дека доколку тоа не го направимем нема да можеме да одиме во следната фаза, бидејќи, како што рече, сега по отворањето на преговорите веќе е прашањето кој е за, а кој е против ЕУ, односно кој е за продолжување, а кој е за запирање.

Извор: МИА

www.slobodenpecat.mk

Претходно

ФОТО | Бајкa во Тоскана: Српската актерка се омажи со ѕвездата на „Топ Ган“

Следно

ЕУ предлага да се деблокираат средствата на руските банки за да ѝ се помогне на трговијата со храна

Latest from Blog

MacedonianEnglishAlbanian