ЕУ предлага да се деблокираат средствата на руските банки за да ѝ се помогне на трговијата со храна

1 min read

Европска комисија до земјите-членки на Европска Унија достави документ со што се предлага да се ослободат „одредени средства“ од руските банки замрзнати по санкциите на ЕУ со цел да се помогне во обнова на трговијата со земјоделски и прехранбени производи.

– ЕУ сака совршено да стави до знаење дека ништо во санкциите не го спречува транспортот на жито од Русија или Украина … Надлежните органи на земјите-членки може да одобрат ослободување на одредени замрзнати средства или економски ресурси кои им припаѓаат на банките, откако ќе утврдат дека тие средства се неопходни за купување, увоз или транспорт на земјоделски и прехранбени производи, вклучително и жито и ѓубрива, се наведува во документот.

Според неименуван дипломат изјави дека тоа се однесува на седум руски банки и оти земјите-членки наскоро треба да одлучат за тоа.

Претседателот на Сенегал и актуелен претседател на Африканска Унија, Меки Сал, неодамна изрази загриженост за последиците од европските санкции врз трговијата со жито, особено за исклучувањето на главните руски банки од меѓународниот финансиски систем Свифт, што е клучен за трансфер на пари.

kurir.mk

Претходно

Маричиќ: Скрининг процесот дава доволно простор за отворање дијалог во Собранието

Следно

ЛШ: Ракип и Малме се враќаат со негатива од Литванија

Latest from Blog

MacedonianEnglishAlbanian