Уште една жртва во пожарите во Шпанија

1 min read

Во пожарите што беснеат во северозападна Шпанија загина овчар, соопштија денеска локалните власти, што е втор смртен случај откако вчера загина пожарникар во истата област.

Телото на 69-годишниот маж е пронајдено четири километри западно од Ескобер де Табара во провинцијата Замора, во област која изгоре од шумски пожар што избувна во соседната општина Лосасио, соопшти локалната власт.

Местото каде загина овчарот е евакуирано како и десетици други поради пожарот што избувна вчера попладне.

Вкупно повеќе стотици жители мораа да ги напуштат своите домови, а на една железничка пруга сообраќајот е во прекин.

Еден пожарникар веќе загина синоќа додека го гаснеше пожарот, соопштија властите.

Повеќе од една недела Шпанија е зафатена од силен топлотен бран кој предизвика бројни пожари кои опустошија десетици илјади хектари вегетација низ целата земја.

– Климатските промени ги убиваат луѓето … но и нашиот екосистем, нашата биолошка разновидност, изјави денеска шпанскиот премиер Педро Санчез за време на посетата на Екстремадура, регион на западот од земјата тешко погоден од пожарите во последната недела.

kurir.mk

Претходно

Претрес во канцеларијата на директорот на Финансиската полиција, Арафат Муареми

Следно

Ќе се гради колектор и станицата за третман на отпадните води во село Орман

Latest from Blog

Д-р Петличковски за кичевчанецот суспектен на мајмунски сипаници: Немаме законска можност да го присилиме да се тестира, очекуваме да му проработи совеста

Здравствените власти мака мачат да обезбедат примерок за тестирање од првиот суспектен случај на мајмунски сипаници

MacedonianEnglishAlbanian