Советот на ЕУ одобри почеток на пристапните преговори со Скопје и Тирана

2 mins read

Советот на Европската Унија одлучи да ги започне пристапните преговори со Албанија и со Северна Македонија, сподели чешкиот премиер Петр Фиала на Твитер, чија земја претседава со институцијата до крајот на годината.

Според него, ова е важен чекор во приближувањето на Западен Балкан кон ЕУ, додавајќи дека „ова е голем успех за нашето претседателството“.

Усвоени се и преговарачките рамки за Северна Македонија и за Албанија.

Фиала сподели дека утре ќе се сретне со лидерите на двете земји во Брисел, со цел да разговараат за следните фази на патот кон Унијата.

Како потсетување, премиерот Димитар Ковачевски ќе ја предводи официјалната владина делегација во Брисел, која утре во Советот на Европска Унија ќе учествува на првата меѓувладина конференција.

Според агендата, за утрешниот ден е предвидено премиерот Ковачевски заедно со премиерот на Албанија Еди Рама да имаат средба со претседателката на Европската Комисија Урсула фон дер Лајен.

Во рамките на историската посета на Брисел, за утре е најавено и започнувањето на скринингот за Република Северна Македонија и работен ручек на премиерот Ковачевски со еврокомесарот за проширување и добрососедски политики Оливер Вархеји, на кој ќе присуствуваат и двете делегации.

Како дел од официјалната владина делегација, во Брисел патуваат првиот вицепремиер Артан Груби, вицепремиерот за европски прашања Бојан Маричиќ, како и министрите за надворешни работи Бујар Османи, за внатрешни работи Оливер Спасовски, за култура Бисера Костадиновска-Стојчевска и за информатичко општество и администрација, Адмирим Алити и други високи претставници на Владата.

www.slobodenpecat.mk

Претходно

ВИДЕО | Папагали танцуваат и се бакнуваат: Прекрасна „кореографија“ која ќе ве воодушеви

Следно

Руската опозициска телевизија „Дожд“ повторно активна од странство

Latest from Blog

MacedonianEnglishAlbanian