Протоколот е потпишан во Софија, но нема да биде објавен ниту денеска

1 min read

Македонскиот министер за надворешни работи Бујар Османи и неговата бугарска колешка Теодора Генчовска денеска го потпишаа протоколот за спроведување на Договорот за добрососедство, но според бугарските медиуми неговата содржина нема да биде објавена ниту денеска. Бугарското национално радио јави дека содржината на овој документ се очекува да биде објавена во наредните денови, најверојатно по утрешната средба на амбасадорите во ЕУ во Брисел.

Познато е дека документот е на најмалку 10 страници и содржи конкретни мерки и рокови за обете страни. Според она што синоќа го кажа Османи на брифинг со новинарите предвидено е заедничко чествување на историски ликови и настани, како и промена на учебниците, но за сите такви промени ќе одлучува Мешовитата историска комисија и  за промените ќе треба да се согласат сите седуммина нејзини членови. За работата на историската комисија не се поставени рокови, туку има само охрабрување научниците што побрзо да ја завршат работата за средновековниот период. Други конкретни детаљи не се познати.

Министерот Османи со денови ја уверуваше вознемирената македонската јавност дека протоколот ќе биде објавен и дебатиран пред да биде потпишан, но тоа не се случи.

www.slobodenpecat.mk

Претходно

Одлична и за слабеење: Летна верзија на салатата „Цезар“, без мајонез и павлака

Следно

„Со овој објект споменот за Никола ќе трае вечно“, емотивно дрон видео од нов спортски објект во општина Аеродром

Latest from Blog

MacedonianEnglishAlbanian