Вонредна ситуација во Британија поради екстремно топлото време: Рекордните температури допрва се очекуваат

1 min read

Британската национална метеоролошка служба денеска прогласи вонредна состојба и издаде предупредување за екстремни горештини за делови од Англија во понеделник и вторник следната недела, кога температурите би можеле да бидат рекордни.

– Вонредните, можеби рекордни, температури најверојатно се во понеделник, а потоа повторно во вторник, објави службата на својата веб-страница, според Ројтерс.

Беше наведено и дека во Британија „ноќите веројатно ќе бидат и исклучително топли, особено во урбаните средини“, што најверојатно „ќе има влијание врз луѓето и инфраструктурата“.

Највисоката температура досега забележана во Британија била 38,7 степени Целзиусови, а била забележана во Ботаничката градина на Универзитетот во Кембриџ на 25 јули 2019 година, пренесува Ројтерс.

Претходно оваа недела, Националната метеоролошка служба на ОК и Агенцијата за здравствена безбедност на Обединетото Кралство (UKHSA) издадоа предупредување за топлина на ниво 3 за југоисточна Англија, Лондон и источна Англија, додека предупредување од ниво 1 е во сила за северна Англија.

kurir.mk

Претходно

Том Круз плаќа алиментација, но 10 години одбива да ја види својата ќерка Сури: Која е вистината?

Следно

Куче скитник каснало дете во Скопје

Latest from Blog

MacedonianEnglishAlbanian