Груби: Европскиот предлог не ги загрозува македонскиот јазик и идентитет

2 mins read

Првиот потпретседател на Владата и министер за политички систем и односи меѓу заедниците, Артан Груби денеска го прими на проштална средба амбасадорот на Унгарија, Ласло Иштван Дукс, со кој разговараше за актуелните состојби во земјата и регионот, соработката во рамките на НАТО, билатералните односи, како и за последните случувања поврзани со процесот на евроинтеграција на земјата.

Како што информираат од неговиот кабинет, Груби ја поздрави континуираната соработка со Унгарија, посочувајќи дека земјава ја цени унгарската поддршка за добивање на датум за почеток на пристапните преговори со Европската Унија, како и подготвеноста за споделување на експертски искуства.

Tој истакна дека за стабилноста и безбедноста на регионот, како и во контекст на новите геополитички околности многу значајно е деблокирањето на евроинтеграцискиот процес и почетокот на преговорите за членство во ЕУ.

Груби изразил целосно уверување дека европскиот предлог за одржување на првата меѓувладина конференција и почетокот на преговорите за членство во Европската унија не го загрозуваат на било кој начин идентитетот, културата, историјата и македонскиот јазик.

„Политичарите се избираат за да носат одлуки, затоа потребна е смелост за донесување одлуки што ја гарантираат иднина за земјата, а не личната кариера на некој функционер. Опозицијата секогаш била против сите ставови и стратешките одлуки за земјата, а историјата докажала дека била на погрешна страна“, истакна Груби.

Тој на амбасадорот Ласло Иштван Дукс му се заблагодари за дипломатскиот ангажман и посветеност и за неговиот придонес за унапредување на односите меѓу двете земји.

Извор: МИА

www.slobodenpecat.mk

Претходно

Коронавирус: Што е мутација „Кентаур“ и зошто ни се заканува

Следно

По децении, една улица од Волково конечно ќе добие асфалт

Latest from Blog

Македонската наука со индигнација ги отфрла препораките на „Комисијата за ревизија на македонската историја“, како псевдонаучни, ништовни и нерелевантни!

Таканаречените “Препораки за заедничко одбележување на историски личности“ на “Заедничката мултидисциплинарна експертска комисија за историски и

MacedonianEnglishAlbanian