ФОТО | Откриен е првиот официјален заеднички портрет на Кејт Мидлтон и принцот Вилијам

2 mins read

Кејт Мидлтон и принцот Вилијам во четвртокот го видоа нивниот прв официјален заеднички портрет, пренесува „People“.

Војводата и војвотката од Кембриџ беа на откривањето на насликаниот портрет за време на посетата на истоимениот регион Кембриџшир, кој е округ во градот Кембриџ. Парот ги доби титулите војвода и војвотка од Кембриџ од кралицата Елизабета на денот на нивната венчавка во април 2011 година.

Вилијам и Кејт, и двајцата 40-годишни, го посетија Музејот „Фицвилијам“ на Универзитетот во Кембриџ, каде што го погледнаа насликаното уметничко делo како што за првпат ѝ беше откриено на јавноста.

Делото беше нарачано во 2021 година од страна на Фондот за кралски портрети на Кембриџшир, кој го држи Фондацијата на заедницата на Кембриџ, како подарок за Кембриџшир. Насликанo е од наградуваниот британски уметник на портрети Џејми Корет.

„Беше најнеобичната привилегија во мојот живот да бидам избран да ја сликам оваа слика“, рече Корет. Сакав да го покажам нивното кралско височество на начин на кој тие изгледаат и опуштено и пристапно, како и елегантно и достоинствено“.

„Бидејќи тоа е првиот портрет што ги прикажува заедно, а особено во нивното време како војвода и војвотката од Кембриџ, сакав сликата да предизвика чувство на рамнотежа помеѓу нивниот јавен и приватен живот. Делото беше нарачано како подарок за луѓето од Кембриџшир и се надевам дека ќе уживаат во тоа исто како што јас уживав во создавањето“, продолжи тој.

На портретот, Кејт го носи нејзиниот метален смараден фустан од „The ​​Vampire’s Wife“, кој го носеше за време на посетата на двојката во Даблин во март 2020 година. Вилијам е во темен костум и сина вратоврска.

www.slobodenpecat.mk

Претходно

Погба после шест години се враќа во Јувентус

Следно

Идејата не беше да ја срушиме Владата, вели Трајанов околу ставот за францускиот предлог

Latest from Blog

MacedonianEnglishAlbanian