Дибала ќе му зарие нож во грб на Јувентус, се договори со Интер

1 min read

Аргентинскиот репрезентативец Пауло Дибала успеа да најде заеднички јазик со екипата на Интер и од официјализација на соработката ги дели само потпис на договорот, пренесуваат италијанските медиуми.

Откако одлучи да не потпише нов договор со Јувентус и да стане слободен играч, Дибала доби неколку понуди од англиски екипи како и од ПСЖ и Барселона, но Аргентинецот одлучи да остане во Серија А и од следната сезона да го носи дресот на најголемиот ривал на „старата дама“, Интер.

Италијанските медиуми пишуваат дека Дибала ги договорил сите детали со „нераѕурите“ и наскоро ќе потпише четиригодишен договор според кој ќе заработува по шест милиони евра по сезона плус бонуси.

Дибала кариерата ја започна во аргентинскиот тим Институто, а во 2012 година се сели во Палермо. Во тимот од Сицилија играше три сезони по што за 42 милиони евра преминува во Јувентус за кого одигра 210 натпревари во Серија А и постигна 82 гола.

www.slobodenpecat.mk

Претходно

Производството на електрична енергија во Словенија на историски најниско ниво

Следно

Беџет Пацоли во анкетниот лист пријавил имот од 743 милиони евра

Latest from Blog

MacedonianEnglishAlbanian