Василев: Северна Македонија е измислена причина за повлекувањето на „Има таков народ“ од бугарската владејачка коалиција

1 min read

Бугарскиот министер за спорт во оставка, Радостин Василев, од партијата „Има таков народ“, денеска на прес-конференција соопшти дека групата од седум пратеници од партијата ќе ја напушти партијата.

Како што пренесува дописникот на МИА од Софија, Василев, изјави дека Бугарија е поважна од задкулисните интереси на група луѓе со кои веројатно владее нивниот лидер Слави Трифонов.

Тој кажа дека мафијата се пробива во ИТН.

Според Василев, однесувањето на лидерот на партијата Слави Трифонов е како на единствен сопственик и тоа ја доведе партијата до самоуништување, а неговите неодамнешни постапки доведуваат и до бришење на Бугарија.

„Одлуката на Трифонов за повлекување на министрите од Владата и од владејачката коалиција во Бугарија не е координирана со никого“, коментира Василев.

Според Василев, Трифонов никогаш не го интересирало мислењето на гласачите, на неговите пратеници, и тој нив не ги ни знае освен петмина од нив.

„ИТН е бизнис проект, а не парламентарен проект. За да украде некои средства од некои фирми, Трифонов повлече министри. Северна Македонија е измислена причина искористена за овој повод“, категоричен е министерот во оставка Василев.

Извор: МИА

Трифонов потврди дека го напуштиле седуммина пратеници од неговата партија

www.slobodenpecat.mk

Претходно

Скопјанец нападнал сосетка во ходник од зграда кај Бит Пазар

Следно

Гави конечно доби понуда каква што посакува за да остане во Барселона

Latest from Blog

MacedonianEnglishAlbanian