Втор случај на мајмунски сипаници во Грција

1 min read

Во Грција е потврден вториот случај на мајмунски сипаници кај 47- годишен маж кој неодамна патувал во Шпанија, јави дописничката на МИА од Атина.

Од Националната организација за јавно здравје на Грција (ЕОДИ), соопштија дека станува збор за втор увезен случај на болеста во земјата, а мажот е хоспитализиран и е во стабилна состојба.

Објаснуваат дека првиот тест за „non-variola orthopox”, вклучително мајмунски сипаници, бил позитивен, а примероците биле испратени и во Лабораторијата за микробиологија на Медицинскиот факултет на Универзитетот „Аристотел” во Солун за потврда на вирусот.

Во соопштението од ЕОДИ истакнуваат дека „според досега достапните епидемиолошки податоци, опасноста за општата популација и понатаму е ниска, бидејќи болеста е обично блага и се карактеризира со релативно ниска преносливост” и додаваат дека информирањето за случаи на мајмунски сипаници во земјата ќе се врши на седмично ниво, секој четврток.

Првиот случај на мајмунски сипаници во Грција беше потврден во средата кај маж кој неодамна патувал во Португалија.

www.slobodenpecat.mk

Претходно

Патријархот Вартоломеј и архиепископот Стефан со прва заедничка Патријаршиска и синодална света литургија 

Следно

Научниците открија нов извор на витамин Д: Во прашање е најомилениот летен зеленчук

Latest from Blog

MacedonianEnglishAlbanian