Бројот на украински бегалци во Полска надмина четири милиони

1 min read

Бројот на Украинци кои ја напуштија својата земја и преминаа во Полска по руската инвазија во февруари, ја надмина границата од четири милиони, наведе денеска на Твитер полската Агенција за гранична контрола, пренесе ДПА.

Најновите податоци покажуваат дека само вчера во Полска пристигнале нови 24.900 лица. Меѓутоа, додава ДПА, невозможно е да се каже колку од овие лица останале во Полска, а колку отпатувале понатаму во другите западноевропски земји.

Полскиот претседател Матеуш Моравјецки неодамна изјави дека неговата земја е домаќин на околу два милиона украински бегалци.

Ниту, пак, протокот е еднонасочен. Полските власти вчера, исто така, забележаа дека 28.000 луѓе се упатиле кон Полска, од кои многумина се вратиле во областите што сега повторно се под украинска контрола по првичната руска инвазија.

Пред инвазијата Украина имаше население од повеќе од 44 милиони. Многумина од оние што побегнаа се упатија кон Полска, која дели 500 километри долга граница со Украина, потсетува ДПА. (МИА)

kurir.mk

Претходно

ВИДЕО | Верници во Фанар: Сведочиме историски чин, нашата Охридска архиепископија повторно блеска

Следно

„Се пиеше „шприцер“ и „бунар“ се јадеa Пилешки прсти и беше многу поубаво“ – скопјани го паметите ли ова време?

Latest from Blog

MacedonianEnglishAlbanian