Барселона се договори со Гави за нов договор, откупната клаузула изнесува милијарда евра

2 mins read

Барселона ќе го задржи еден од најголемите фудбалски таленти што се појави во последните 20-тина години од сопствената академија „Ла Масија“, Гави. Младиот 17-годишен фудбалер кој веќе е стандарден член на шпанската сениорска репрезентација одлучи да остане во Барселона и покрај големиот интерес од Ливерпул.

Новинарот кој е специјалист за фудбалски трансфери, Фабрицио Романо, објави дека преговорите се во завршна фаза и Гави наскоро ќе потпише петгодишен договор, а откупната клаузула ќе изнесува неверојатни милијарда евра.

Иако не е познато колкава ќе му биде платата, се шпекулира дека во првата година, таа ќе изнесува два милиони евра, но секоја година ќе се зголемува.

Пред неколку дена, шпанските и англиските медиуми објавија дека Ливерпул бил подготвен да и го украде Гави на Барселона нудејќи да ја плати клаузулата која изнесувала 50 милиони евра, а на фудбалерот му нудел плата од дури девет милиони евра по сезона.

Сепак, Гави одлучил дека Барселона е идеалниот тим за неговиот развој и затоа се согласил да потпише нов договор.

Гави веќе одигра девет натпревари за шпанската репрезентација, а неодамна во дуелот против Чешка го постигна и првиот гол во репрезентативниот дрес. Минатата сезона за Барселона одигра дури 47 натпревари во сите конкуренции иако на 5 август ќе наполни 17  години.

www.slobodenpecat.mk

Претходно

Скопските пожарникари ќе добијат нови 350 униформи

Следно

Верувале или не: Со закон е дозволено венчавање со мртовец, но само во оваа земја!

Latest from Blog

Македонската наука со индигнација ги отфрла препораките на „Комисијата за ревизија на македонската историја“, како псевдонаучни, ништовни и нерелевантни!

Таканаречените “Препораки за заедничко одбележување на историски личности“ на “Заедничката мултидисциплинарна експертска комисија за историски и

MacedonianEnglishAlbanian