Одбојкарите ја прекинаа серијата порази и останаа во игра за полуфинале во Европската сребрена лига

1 min read

Одбојкарската репрезентација на Македонија вечерва ја прекина серијата порази во Европската сребрена лига откако со 3:1 во сетови (25:11,22:25,25:19,25:22) ја совладаа Романија.

Избраниците на селекторот Ратко Павличевиќ славеа над Романија откако претходно забележаа три порази по ред (од Романија и од Албанија) и ги задржаа шансите за освојување на второто место во групата и пласман во полуфиналето во Европската сребрена лига.

За да дојде до второто место на табелата, Македонија мора да слави во последното коло против Бих, додека Албанија не смее да освои повеќе од еден сет на гости кај Романија.

Македонија на едно коло до крајот има седум бода за трето место на табелата, има три помалку од Албанија и четири од лидерот на табелата Романија која веќе си обезбеди пласман во полуфиналето.

Одбојкарите одлично го започнаа натпреварот, одлично функционираа сите сегменти од играта и сетот го добија со убедливи 25:11. Во вториот се случи пад во играта кој го искористи противникот за да дојде до израмнување на сетови (22:25). Во третиот сет, Романција на почетокот беа во предност, но македонските одбојкари прво дојдоа до израмнување на 15:15 и со одлична серија стигнаа до 25:19 и водство од 2:1 во сетови.

И четвриот сет подобро го отворија Романците кои поведоа со 2:6, но Макеоднија брзо успеа да се врати во игра, поведе со 10:9 и потоа во тесна завршница славеше со 25:22.

Во последното коло, Македонија и гостува на БиХ, додека Романија игра против Албанија.

www.slobodenpecat.mk

Претходно

Се бара конфискуваната „бела палата“ на ВМРО-ДПМНЕ да се пренамени во студентски дом

Следно

ВРЕМЕНСКА ПРОГНОЗА: Променливо облачно, попладне пороен дожд и грмежи

Latest from Blog

MacedonianEnglishAlbanian