Трифонов: Северномакедонци, со омразата кон нас, се горите самите себеси

1 min read

Лидерот на бугарската владејачка политичка партија „Има таков народ“, Слави Трифонов, се огласи преку Фејсбук, откако се појави информацијата дека пејачот Ламбе Алабаковски е осомничен за палењето на влезната врата на бугарскиот културен центар „Ванчо Михајлов“ во Битола.

-Стана јасно кој е пироманот кој го запалил бугарскиот културен центар „Иван Михаилов“ во Битола. Станува збор за 34-годишен пејач по име Ламбе Алабаковски. Тој го признал делото. Во исто време, корисниците на социјалните мрежи во Северна Македонија почнаа да објавуваат фотографии со пораки: „И јас сум Ламбе Алабаковски! Beе ѕuіѕ Ламбе Алабаковски! Сите сме Ламбе, стоп за фашизмот“. Сега, од целиот овој гнасен случај, Северномакедонците, ако се паметни, сепак можат да извлечат сериозна поука. Ќе ви кажам што е таа. Ламбе во раните утрински часови на 4 јуни отишол пред Бугарскиот културен центар „Иван Михаилов“, и предизвикал пожар. Пожарот избувнал толку брзо, што според пишувањата на медиумите во Северна Македонија, тој имал изгореници на рацете. Која е поуката, драги мои соседи од Северна Македонија? Поуката е дека со омразата кон нас се горите самите себеси, напиша Трифонов на Фејсбук.

www.slobodenpecat.mk

Претходно

Покетино: ПСЖ нема трпение, очајно сака да ја освои титулата во ЛШ

Следно

Пратениците и по полноќ останаа на собраниска седница

Latest from Blog

MacedonianEnglishAlbanian