Ердоган сака дополнително да ја намали каматната стапка и покрај инфлацијата

1 min read

Турскиот претседател Реџеп Тајип Ердоган денеска изјави дека сака повторно да ги намали каматните стапки откако инфлацијата во Турција во мај достигна 73,5 отсто на годишно ниво.

-Никој да не го очекува тоа од нас. Оваа влада нема да ги зголеми каматните стапки. Напротив, ќе продолжиме да ги намалуваме, рече Ердоган на прес-конференција по владиниот состанок.

Спротивно на традиционалните економски теории, турскиот претседател смета дека високите каматни стапки ја стимулираат инфлацијата.

На крајот на 2021 година, Ердоган ја принуди централната банка да ја намали каматната стапка од 19 отсто на 14 отсто од септември и декември истата година, што предизвика колапс на националната валута.

Инфлацијата во Турција во мај достигна 73,5 отсто на годишно ниво, што е најмногу од декември 1998 година, поттикната од растот на цените на енергенсите и храната, покажуваат неодамнешните официјални бројки.

www.slobodenpecat.mk

Претходно

Илон Маск се заканува дека ќе се откаже од купување на Твитер – компанијата одбивала да му достави информации за лажни налози

Следно

Добри вести: Тренерот на Реал Мадрид, Пабло Ласо повеќе не е на интензивна нега

Latest from Blog

MacedonianEnglishAlbanian