Младинскиот репрезентативец на Македонија, Стефан Чолаковски си замина од Мелбурн сити и најави трансфер во европска екипа.
Чолаковски е роден во Мелбурн и досегашната кариера ја помина токму во Мелбурн сити и беше еден од најдобрите фудбалери на екипата во освојувањето на титулата минатата година. Тој минатата година го имаше и дебитантскиот настап за македонската репрезентација до 21 година.
– После седум години дојде време да се каже збогум. Ова беше една прекрасна авантура во Мелбурн Сити, каде дојдов на 15 години во Академијата и потоа играв важна улога во историската прва титула, игра во ЛШ. Сакам да им се заблагодарам на сите тренери кои од едно дете направија човек, ме изградија во фудбалер и личност и секогаш ќе им бидам благодарен. Им благодарам на сите соиграчи, на сите со кои низ годиниве уживавме и со кои направив доживотни пријателства. И на крај благодарност до навивачите, кои секогаш ќе имаат посебно место во моето срце. Сити беше и ќе остане мое семејство, а јас сега гледам кон ново поглавје во кариерата – објави Чолаковски на социјалните мрежи.
After 7 years with @MelbourneCity, it is time to say goodbye.
What a journey it has been. From sitting in the stands watching Melbourne Heart, to joining the academy at 15 to playing a role in the clubs first ever premierships, championship and Champions League campaign. pic.twitter.com/iF6mpK7E4x
— Stefan Colakovski (@scolakovski) June 6, 2022
