Во Казахстан референдум за уставни измени за крај на ерата на Назарбаев

1 min read

Казахстан денеска гласаше на референдум за уставни измени со кои треба да се стави крај на ерата на поранешниот претседател Нурсултан Назарбаев и неговиот клан, кои беа на чело 30 години, но чија моќ беше разнишана од неодамнешните немири.

Повеќе од 68 отсто од гласачите излегоа на референдумот до 16 часот, објави Централната изборна комисија, што е многу над потребните 50 отсто. Резултатите се очекуваат во понеделник.

Најголемата поранешна советска република во Централна Азија, богата со минерали и јаглеводороди, беше сцена на насилство во јануари кога загинаа 230 луѓе.

Овие немири, најсмртоносните од независноста во 1991 година, следеа по мирните протести против поскапувањето на горивото, но се претворија во судири меѓу органите на редот и цивилите.

Како што пренесуваат странските агенции, пред немирите, актуелниот претседател Касим-Жомарт Токаев (69) се сметаше за сојузник на Нурсултан Назарбаев (81), претседателот кој поднесе оставка во 2019 година, „но ја задржа големата моќ од сенка“.

Претседателот Токаев го промовираше референдумот како чекор кон либерализација на таа централноазиска земја, иако клучните лостови на власта и натаму ќе бидат во негови раце.  (МИА)

kurir.mk

Претходно

„Вози право, вози здраво” низ улиците на Скопје

Следно

Неизвесна посетата на Лавров на Белград, Вучиќ утре ќе ја информира српската јавност за деталите

Latest from Blog

MacedonianEnglishAlbanian