Бајрам Бегај е нов претседател на Албанија

1 min read

Албанскиот парламент доцна попладнево го избра генерал Бајрам Бегај за нов претседател на државата.

За неговиот избор гласаа 78 пратеници, а покрај владејачките социјалисти поддршка му дадоа и опозициски пратеници. На пленарната седница пристигнаа дел од пратениците на Демократската партија приврзаници на Енкелејд Алибеај, но веднаш ја напуштија, додека оние на Сали Бериша беа во собраниската сала.

Претходно, како што налага Уставот за предлог-кандидатурата се потпишаа 37 пратеници (потребни се 20), меѓу нив и Еди Рама.

Претседателот на Албанија, Илир Мета претходно го отповика Бегај од функцијата началник на ГШ на албанската армија, со што го отвори патот за негов избор.

Бегај за началник на ГШ на вооружените сили на Албанија беше назначен 2020 година. Пред тоа беше Командант на неколку армиски сектори. Роден е на 20 март 1967 година во Рогожина. Дипломирал на медицинскиот факултет, посетувал многу обуки во земјата, САД и во Грција. Оженет е с0 Арманда Бегај и е татко да две деца.

Генерал Бегај е осмиот претседател на Албанија, по падот на комунизмот, а втор висок армиски старешина на оваа функција, по Алфред Моисиу (2002 – 2007) кој, исто така, по чин беше генерал.

Извор: МИА

www.slobodenpecat.mk

Претходно

Петков: Палењето на Културниот центар „Иван Михајлов“ е обид за провокација и дестабилизација на нашите односи

Следно

Лига на нации: Унгарија го прекина шестдеценискиот пост и конечно ја победи Англија

Latest from Blog

MacedonianEnglishAlbanian