Јахтата на Дејвид Боуви се продава за 4,85 милиони евра

1 min read

Јахтата што некогаш му припаѓала на британскиот пејач, текстописец и актер Дејвид Боуви е понудена на продажба.

Јахтата „Ел Каран“ е долга 39 метри и ја направила италијанската компанија „Бенети“, која му ја доставила на легендарниот Боуви во 1977 година.

Оваа јахта претрпела промени во 2020 година и сега може да прими до 12 гости во шесте кабини, а внатрешноста е целосно реновирана. Внатрешниот дизајн е на дизајнерката Симона Ламбоглиа.

На гостите им е на располагање палубата која е одлично место за сончање или танцување, а внатре има трпезарија со главниот салон и дневен простор. Кабините се опремени со големи телевизори и бањи со кади. Јахтата нуди и сместување за седумчлен екипаж.

Внатрешноста е украсена со слики и содржи мебел чиј дизајн е инспириран од стилот на 1960-тите. Максималниот домет на јахтата е 4.000 наутички милји. Го придвижуваат два „MTU“ мотори кои развиваат „824 КС“ и кои редовно се сервисираат.

Боуви ја користел јахтата во 1980-тите и почина во 2016 година. Неговата поранешна јахта сега се продава по цена од 4,85 милиони евра.

www.slobodenpecat.mk

Претходно

РФМ парично ги награди ракометарите за пласманот на Светското првенство 2023

Следно

ВИДЕО: „Вози право, вози здраво“ во недела по шести пат

Latest from Blog

MacedonianEnglishAlbanian