Повторен јавен повик за избор на членови на Комисијата за постапување по барања за надоместок на штета од каснувања од бездомни кучиња

1 min read

Град Скопје повторено објави Јавен повик за избор на надворешни членови и заменици членови на Комисијата за постапување по барања за надоместок на штета, предизвикана од каснувања од бездомни кучиња на граѓани на подрачјето на Град Скопје.

Предмет на јавниот повик, како што соопшти Градот, е избор на надворешни членови и заменици членови на Комисија за постапување по барања за надоместок на штета предизвикана од каснувања од бездомни кучиња на граѓани на подрачјето на Град Скопје, и тоа еден член и еден заменик член од редот на лиценцирани лекари трауматолози и два члена и два заменици членови од редот на лиценцирани лекари од областа на психијатријата.

Рокот за пријавување е до 11 јуни 2022 година.

– На членовите од редот на лиценцирани лекари трауматолози и од редот на лиценцирани лекари од областа на психијатријата, надоместок во висина од 25 илјади денари, во нето износ, соопшти Град Скопје.

Јавниот повик е објавен  врз основа на Одлуката за утврдување на надоместок на штета предизвикана од каснување на бездомни кучиња („Службен гласник на Град Скопје“ бр. 5/22), како и на член 4 став 4 од Правилникот за начинот и постапката на утврдување и исплата на надоместокот на штета предизвикана од каснување од бездомни кучиња, број 08-5213/1 од 4 мај 2022 година. 

skopjeinfo.mk

Претходно

Во Шведска започна конференцијата на ОН за животната средина

Следно

Дибала: Ме привлекуваат Премиер лигата и Ла Лига, но среќен сум во Италија

Latest from Blog

MacedonianEnglishAlbanian