Османи-Блинкен: Отвораме ново поглавје на стратешкото партнерство меѓу двете земји

2 mins read

Министерот за надворешни работи Бујар Османи, во рамки на посетата на Вашингтон, имаше средба со американскиот државен секретар Ентони Блинкен. На средбата е изразено задоволство од одржувањето на Стратешки дијалог меѓу Северна Македонија и САД, што претставува нов исчекор во билатералните односи и надградба на стратешкото партнерство меѓу двете земји, соопшти МНР.

– Нам ни претставува посебна чест што Северна Македонија е прва земја од Западен Балкан која одржува стратешки дијалог со САД, значаен процес преку кој се продлабочува нашето стратешко партнерство и поконкретно се врамува нашата билатералната соработка. Ваквиот исчекор во билатералните односи е уште една потврда за силното пријателство и взаемниот интерес за зајакнување на сојузништвото меѓу двете земји, истакна Османи.

На средбата стана збор и за актуелните безбедносни состојби, при што беше изразена заедничка осуда на руската воена инвазија, како и силна поддршка и солидарност со Украина. Воедно, беше нагласено дека актуелните состојби налагаат нова динамика во евроинтегративните процеси на земјите од Западен Балкан, со што ќе се потврди кредибилноста на ЕУ и ќе се охрабрат процесите за надминување на разликите и помирување во регионот.

– Процесот на проширување на ЕУ претставува безбедносно прашање, а европските перспективи на земјите од Западниот Балкан, и кредибилитетот на овој процес, од суштинска важност за регионалната и европската стабилност. Благодарни сме за силната американска поддршка за што поскоро започнување на процесот на преговори на Северна Македонија, што во моментов преставува и најдобриот начин да се зачува кредибилитетот на овие процеси, нагласи Османи.

На средбата со Блинкен, министерот Османи го поздрави партнерството меѓу Северна Македонија и САД, особено во контекст на НАТО, истакнувајќи го притоа стратешкото партнерство меѓу двете земји, сега веќе надградено и со Стратешкиот дијалог, како еден од најважните столбови за долгорочната стабилност на Северна Македонија, како и за нејзината демократска и цивилизациска надградба.с

www.slobodenpecat.mk

Претходно

ВИДЕО | Вистински хит: Кој вели дека кучиња не можат да свират „тапани“?

Следно

Василев: Кога „Гаспром“ ќе реши да го исполни договорот со Бугарија, тогаш ќе имаме руски гас

Latest from Blog

MacedonianEnglishAlbanian