Протест на Авганистанците сместени во Албанија

1 min read

Група луѓе евакуирани од Авганистан откако талибанците се вратија на власт минатата година, денеска одржаа протести во Албанија со барање да се забрза нивното преместување во САД.

Група авганистански семејства во Шенѓин, град на 70 километри северозападно од Тирана, ги повикаа САД да го забрзаат процесот на преселување, а жените и децата држеа транспаренти на кои пишуваше „Заборавени сме“.

Околу 2.400 Авганистанци беа евакуирани во Албанија во август и септември 2021 година и им беше дадено привремено сместување во Шенѓин и Драч. Финансиска поддршка за нивното сместување обезбедија САД и невладини организации.

Албанската влада тогаш објави дека илјадници Авганистанци ќе поминат најмалку една година во Албанија пред да се преселат во САД, а неодамна изјави дека ќе ги задржи уште подолго доколку им се одложат американските визи.

Албанското Министерство за надворешни работи претходно соопшти дека 900 Авганистанци останале во земјата.

Извор: МИА

www.slobodenpecat.mk

Претходно

Петровска во Арлингтон им оддаде почит на загинатите американски војници

Следно

ФОТО: Најдобрите македонски фудбалери тренираа на „Хувефарма арената“ во Разград

Latest from Blog

MacedonianEnglishAlbanian