Истрага во САД и Канада: Дали јагодите се причина за епидемијата на хепатитис А?

1 min read

Американските и канадските регулатори за храна истражуваат епидемија на хепатитис А што може да се поврзе со свежи органски јагоди.

– Не јадете, сервирајте или продавајте свежи органски јагоди Кампо или ХЕБ купени помеѓу 5 март 2022 година и 25 април 2022 година, истрагата на ФДА е во тек, се вели во соопштението на Управата за храна и лекови на САД во соработка со Агенцијата за јавно здравје на Канада и Канадската агенција за инспекција на храна.

Потенцијално контаминираните производи веќе се истечени, но регулаторите ги предупредија оние кои ги купуваа нивните производи во тој период од наведените производители и потоа ги замрзнаа да не ги консумираат.

Податоците од епидемиолозите укажуваат дека свежите органски јагоди од споменатите марки биле честа точка за многумина кои се заразиле со хепатитис А по нивното консумирање. Врз основа на ова, експертите заклучиле дека тоа може да биде веројатен извор на инфекција која избила во САД и Канада.

Случаите почнаа да се јавуваат кон крајот на март и траеја до крајот на април.

Според американскиот регулатор, во тој период 17 лица се заразиле со хепатитис А во САД, а 12 од нив биле хоспитализирани. Канадскиот регулатор, пак, пријави 10 потврдени случаи на хепатитис А, а четворица од нив се хоспитализирани. Во Канада, пациентите биле на возраст од 10 до 75 години. За среќа, немало смртни случаи во САД или Канада.

kurir.mk

Претходно

Да изградиме модел на економски раст отпорен на кризи, вели Пендаровски

Следно

Скопјани револтирани: Се краде на грамажа на Зелено пазарче и Бит Пазар

Latest from Blog

MacedonianEnglishAlbanian