Дендиас го информира Блинкен за турските провокации и патувањето на Западен Балкан

1 min read

Последните случувања во Персискиот Залив, турските провокации и неодамнешното патување на Западен Балкан, биле темите за кои министерот за надворешни работи на Грција, Никос Дендиас телефонски разговарал со американскиот државен секретар Ентони Блинкен, јави дописничката на МИА од Атина.

– Телефонски разговарав со американскиот државен секретар Блинкен. Фокусот беше на последните случувања во Заливот. Исто така, мојот колега го информирав за ескалацијата на турските провокации преку изјави и акции на теренот, како и за моите неодамнешни патувања на Западен Балкан, напиша Дендиас на „Твитер”.

Во однос на двата заробени танкери под грчко знаме во Персиски Залив, Блинкен, исто така преку „Твитер” го повика Иран „веднаш да ги ослободи двата грчки брода, заедно со нивниот товар и нивните екипажи” и додаде дека „заканите од Иран и од Чуварите на исламската револуција за регионалната и глобалната безбедност се неприфатливи”.

Дендиас и Блинкен остварија средба во Вашингтон, пред две седмици за време на официјалната посета на грчкиот премиер на САД.

www.slobodenpecat.mk

Претходно

Уапсен скопјанец за издржување казна затвор од една година

Следно

Ракометарите и ракометарките ги дознаа противниците на Медитеранските игри

Latest from Blog

MacedonianEnglishAlbanian