Белгија не очекува прекин на испораката на гас од Русија

1 min read

Откако руската државна компанија „Гаспром“ денеска ја прекина испораката на гас за Холандија во соседна Белгија велат дека засега нема индиции дека истото би можело да им се случи, ниту пак има потреба од активирање на националниот план за вонредни состојби за природен гас.

„Во моментов нема индикации дека ќе престане испораката на гас за Белгија. Но, Белгија е целосно подготвена. Подобро е да се спречи отколку да се лечи”, изјави белгиската министерка за енергетика Тина ван дер Стретен.

Таа додаде дека ЕУ е веќе подобро организирана и тоа со заедничко купување гас, забрзување на енергетската транзиција и намалување на потрошувачката на енергија.

Во исто време, белгискиот премиер Александар Де Кро од Самитот на лидерите на ЕУ во Брисел рече дека ЕУ ја достигнала границата за енергетски санкции со договорот за ембаргото на руската нафта, со што ги отфрли наводите за можноста за забрана на увоз на гас од Русија како следна фаза на рестриктивни мерки.

kurir.mk

Претходно

ФОТО | Прв увид во филмот „Маестро“: Бредли Купер се претвори во Леонард Бернштајн

Следно

Излажал дека има мајка од Македонија, а со помош на вработени во Управата за матични книги, добил и валидни документи

Latest from Blog

MacedonianEnglishAlbanian