ФОТО: Пендаровски ги одликува нобеловецот Пол Кругман и Стопанската комора со орден за заслуги

2 mins read

Претседателот Стево Пендаровски денеска ги одликува со Орден за заслуги за С. Македонија професорот и нобеловец Пол Кругман и Стопанската комора на РСМ, а на нејзиниот претседател Бранко Азески му додели Повелба.

Пол Кругман, нобеловец, истакнат професор по економија, меѓу другото автор и уредник на 27 книги, преку 200 научни статии во стручни списанија, орденот од Пендаровски го доби за иновативност, визија и особен придонес во сферата на економијата, преку поставувањето нов модел на меѓународна трговија, усовојување нови дисциплини во меѓународната економија, како и за неговата дејност како универзитетски професор и објавувањето голем број значајни научни дела и трудови.

Фото: Кабинет на Претседателот на државата

Кругман се зблагодари на довербата и доделениот орден и нагласи дека Северна Македонија е модел на демократија и мир во тешки времиња. Порача дека ова се времиња кога земјите треба да застанат зад вредностите во кои сите веруваат и да соработуваат меѓусебе.

Орденот за Стопанската комора на РС Македонија, пак, е за 100 годишен посветен влог и траен придонес во развојот на стопанството и поврзувањето на различни еснафски стопанственички структури, со што, според образложението, се обезбеди сигурна основа за постојано подобрување и развој на условите на стопанисувањето и конкурентноста на пазарот, како темел за стабилност и економски просперитет на државата.

Во обраќањето во име на Стопанската комора, извршниот директор Антони Пешев посочи дека се горди на напорите што ги вложуваат да ја заштитат традицијата стара 100 години. Сите овие изминати години се радувавме на успесите на нашата економија, која покажа исклучителна жилавост во справувањето со сите кризи и искушенија, видливи, а често и невидливи. Македонските компании сите овие години се бореа упорно и истрајно да ги задржат своите позиции, вработени, да создаваат нови вредности, да го зголемуват извозот, што и треба да биде целта на секоја држава.

Претседатело на државата Пендаровски нагласи дека има голема чест да одликува две личности и една организација кои имаат особени заслуги за економската мисла, но и за економската дејност на глобално и на национално ниво.

www.slobodenpecat.mk

Претходно

„Опседната куќа“ во САД продадена за 1,52 милиони долари

Следно

Нобеловецот Кругман: Ако посакувате зголемување на европските инвестиции во Северна Македонија, инвестирајте во подобрувањето на патната инфраструктура

Latest from Blog

MacedonianEnglishAlbanian