Пратениците се враќаат во подновената пленарна сала, прв тест за модерната опрема – пратеничките прашања

1 min read

Пратениците од денеска се враќаат во салата број 1, каде ќе користат нова модерна конференциска опрема. Во оваа сала со почеток во 11 часот ќе се одржи новата 72. седница на Собранието, посветена на пратенички прашања.

Новата модерна конференциска опрема во пленарната сала нуди целосно компјутеризиран и дигитален принцип на функционирање, поточно работа без хартија, управување со редоследот на говорници, унапреден видео-стримиг, видео-архива со пребарување, извештај за гласање на секоја точка на дневен ред…

Новата опрема и новата веб-страница на Собранието ќе ја зголемат транспарентноста и отчетноста пред граѓаните и ќе им овозможат полесен пристап на граѓаните до голем број информации за работата на законодавниот дом.

Новинарите повторно ќе може директно да ги следат седниците од галеријата во пленарната сала, откако е вратен во функција и прес-центарот во салата бр.3. На снимателите и на фото-репортерите денеска ќе им биде овозможено снимање на инсерти на почетокот на 72. седница.

Монтажата на новата опрема е спроведена во декември 2021 година, а наменската доработка и адаптација на салата во периодот од јануари до април 2022 година. Производител на опремата е германската компанија „Брелер ИЦС Конефернцтехник”, а вредноста на инвестицијата е 520.000 евра. Ваква опрема се користи во Светскиот конференциски центар во Бон, во Албанија, Швајцарија, Холандија…

www.slobodenpecat.mk

Претходно

Дневен хороскоп за 26 мај: Гледајте на работите од позитивен агол

Следно

Украинската армија тврди дека во руски напади се убиени петмина цивили, 12 се ранети

Latest from Blog

MacedonianEnglishAlbanian